काठमाडौं । कल्पना स्मृती फाउण्डेशनको सहयोगार्थ बिशाल मुभिज प्रा.लि.द्धारा आयोजित “बिशाल राष्ट्रिय तीज म्यूजिक अवार्ड – २०८०” को मनोनयन आवेदन फर्म खुल्ला गरीएको छ । पर्व गीत अन्तरगत तीज गीतको २३ बिधामा अवार्ड बितरण गर्न लागीएको कुरा “बिशाल राष्ट्रिय तीज म्यूजिक अवार्ड – २०८०” को आयोजक समिती संयोजक कमला बिसीले जानकारी दिएकी छिन् ।

फर्म यही साउन महिनाको अन्तिम सम्म खुल्ला रहने छ भने भाद्र महिनाको पहिलो साता उत्कृष्ट पाँचको मनोनयन सार्वजनिक गरीनेछ । अवार्डको फाईनल कार्यक्रम असोजको पहिलो साता काठमाडौंमा एक भब्य समारोहका बिच हुनेछ । मौलिक तीज संस्कृतीको संरक्षण अनि सम्बद्धन गर्ने उदेश्यले आयोजना गरीएको “बिशाल राष्ट्रिय तीज म्यूजिक अवार्ड – २०८०” लाई सफल बनाउन ७ सदस्यीय जुरी निर्णायक समिती समेत गठन गरीएको कुरा आयोजक संस्था बिशाल मुभिज प्रा.लि.का अध्यक्ष गायक,सर्जक हुम गैरेले जानकारी गराए ।

अवार्डका फाईनल कार्यक्रममा तीज गीत संस्कृती सँग सम्बन्धीत करिब एक दर्जन स्रष्टा, सर्जक, गायक, गायिकाहरुलाई सम्मान समेत प्रदान गरीने कुरा आयोजक समितीका उपाध्यक्ष धिरज खत्रीले बताए ।