काठमाडौं / नेपाल

नेपाली हिन्दु नारीहरुको महान पर्व हरितालिका तीजको पावन अवसरमा राष्ट्रिय लोक तथा दोहोरी गीत प्रतिष्ठान नेपालको आयोजनामा “संस्थागत चेलीबेटी भेटघाट, शुभकामना आदान प्रदान, सम्मान तथा दर खाने कार्यक्रम – २०७९” भब्य रुपले सम्पन्न भएको छ ।

” संस्थागत चेलीबेटी भेटघाट, शुभकामना आदान प्रदान, सम्मान तथा दर खाने कार्यक्रम – २०७९” मा केन्द्रिय अध्यक्ष रमेश बिजिको अध्यक्षता रहेको थियो भने संस्थापक अध्यक्ष अमर बिरही गुरुङको प्रमुख आतिथ्यता रहेको थियो । सो कार्यक्रमको सञ्चालन केन्द्रिय तृतीय उपाध्यक्ष दिपक खड्काले गरेका थिए । कार्यक्रमको संयोजन केन्द्रिय वरिष्ठ उपाध्यक्ष रिता थापा मगरले गरेकी थिइन् ।

” संस्थागत चेलीबेटी भेटघाट, शुभकामना आदान प्रदान, सम्मान तथा दर खाने कार्यक्रम – २०७९” मा चेलीबेटी सम्मानको रुपमा संस्थापक कोषाध्यक्ष एबम चर्चित गायिका सीता थापालाई सम्मान गरिएको थियो भने संस्थापक अध्यक्ष अमर बिरही गुरुङ लगायत थुप्रै अग्रज र चर्चित कलाकारहरुलाई सम्मान गरिएको थियो ।

उक्त कार्यक्रममा चर्चित कलाकारहरुको बाक्लो उपस्थिति रहेको थियो । गत बर्षको सोही कार्यक्रममा अग्रज लोक गायिका शर्मिला गुरुङलाई सम्मान गरेको थियो भने यस बर्ष सीता थापालाई सम्मान गरेको हो ।

सम्मानित दुई गायिकाहरुको अन्तरबार्ता हेर्नुस् ।