गायिका मिरा गिरीको नयाँ गीत “बाँसको तामा” सार्वजनिक (भिडियो सहित)
वि.सं.२०७९ भदौ २७ सोमवार १५:१२
काठमाडौं नेपाल । लोकदोहोरी गायिका मिरा गिरी र गायक प्रकाश दासको युगल आवाजमा “बाँसको तामा” बोलको गीत बजारमा आएको छ ।
विक्रमबाबु विशवकर्माको शब्द रचना रहेको उक्त गीतमा भिमसेन खतिवडाले संगीत भरेका छन् । नारायण दंगालले एरेञ्ज गरेको गीतको भिडियो गायिका मिरा गिरीको आफ्नै युट्युब च्यानल मार्फत सार्वजनिक गरिएको छ ।
केही दिनअघि युट्युबबाट बजारमा आएको सो भिडियोमा प्रविण थापाको निर्देशन रहेको छ भने नारायण उप्रेतीको छायांकन रहेको छ ।
उक्त गीत भिडियोमा रिया खड्का, लोमश शर्मा, ओमराज थापा र मिरा गिरीको अभिनय देख्न सकिन्छ । भिडियोमा गायिका मिरा गिरी बेहुलीको भेषमा देखिएकी छन् ।
काठे भाकामा रहेको गीत केही फरकपन बनाएर गीत र भिडियो बजारमा ल्याएको मिराले बताइन् । मारुनी डिजिटल स्टुडीयोमा गीत रेकर्ड गरिएको हो । यस भन्दा अगाडि पनि धेरै चर्चीत कलाकारहरुसँग सहकार्य गर्दै गीत ल्याइराखेको उनले सुनाइन् ।
सोही गीतको भिडियो हेर्न तलको लिंक क्ब्लिक गर्नुहोला ।
वि.सं.२०७९ भदौ २७ सोमवार १५:१२
