काठमाडौं, नेपाल । राष्ट्रिय लोक तथा दोहोरी गीत प्रतिष्ठान नेपाल, उपत्यका समन्वय समितिको आयोजनामा “मञ्जु दुर्गा स्मृति समन्वय फुटशल कप – २०७९” सम्पन्न भएको छ ।

यस कार्यक्रम सोही समितिका अध्यक्ष सुजन लम्सालको अध्यक्षतामा सम्पन्न भएको थियो । सो कार्यक्रम सामाखुसी, काठमाडौं स्थित स्टार फुटसलमा यहि मंसिर २२ गतेका दिन सम्पन्न भएको हो ।

“मञ्जु दुर्गा स्मृति समन्वय फुटशल कप – २०७९” मा उपत्यका समन्वय समिति मुख्य आयोजक रहेको थियो भने सोही अन्तर्गतका ९ वटै समिती आयोजकको रुपमा रहेका थिए । “मञ्जु दुर्गा स्मृति समन्वय फुटशल कप – २०७९” मा आयोजक कमिटी उपत्यका समन्वय समिति नै प्रथम भएको छ भने नयाँ बसपार्क समिति द्वितीय हुन सफल भएको छ ।

उपत्यका समन्वय समितिद्वारा आयोजित “मञ्जु दुर्गा स्मृति समन्वय फुटशल कप – २०७९” मा १४ गोल हानेर सर्वोत्कृष्ट गोलकर्ताको रुपमा डोलराज बारघरे, सर्वोत्कृष्ट डिफेन्सरको रुपमा रबिन लामिछाने, सर्वोत्कृष्ट किपरको रुपमा प्रीतम थापा, सर्वोत्कृष्ट खेलाडीको रुपमा सुजन बिसि सम्मानित भएका छन् ।