काठमाडौं, नेपाल । गायक, संगीतकार एबं एरेञ्जर भुवन बडुको पारिवारिक माहोल नै संगीतमय छ । उनको जेठो छोरा जिवन बडु पछिल्लो समयका ब्यस्त एरेञ्जर पनी हुन् । जिवन बडुले एरेञ्ज गरेका गीतहरु जाले रुमाल, चम्चा पिलेट, सम्झीनी पानी छम्कीनी, कराई धोईदेउन लगायत थुप्रै गीतहरु चर्चामा छन् । माईलो छोरा अमन बडु छायांकन, भिडियो सम्पादकको काम गर्छन् भने कान्छो छोरा रिजेन बडु स्टुडियोमा गीतार बजाउने काम गर्छन् ।

केही दिन सम्पन्न सम्माननिय राष्ट्रपती बिधादेबी भण्डारीको प्रमुख आतिथ्यतामा सम्पन्न भएको “रारा म्युजिक अवार्ड” मा बुवा भुवन बडु र छोरा जिवन बडु सम्मानीत भएका छन् । भुवन बडुले सुण लक्षिमा गीतबाट सर्बाेत्कृष्ट देउडा गायकको अवार्ड प्राप्त गरेका हुन् भने जिवन बडुले चम्चा पिलेट
गीतबाट संगीत संयोजनको अवार्ड प्राप्त गरेका हुन् ।

आफ्नो कर्मले सफलता दिलाएको र यो स्थान सम्म आउन भगवानरुपी दर्शकहरुको हात रहेको कुरा भुवन बडु बताउछन् । साथै आफुले देखाएको बाटोमा छोराहरु हिडेको र सफलता पाएकोमा खुसी भएको कुरा उनले बताए । रारा म्युजिक अवार्ड पाउन सफल बुवा छोरा भुवन बडु र जिवन बडुलाई हाम्रो तर्फबाट हार्दिक बधाई एबं अझै उन्नती प्रगतीको लागी शुभकामना ।