काठमाडौं । लोप हुन लागेको नौमती बाजाको संरक्षण गर्ने उदेश्यका साथ राष्ट्रिय लोक तथा दोहोरी गीत प्रतिष्ठान नेपाल, उपत्यका समन्वय चाबहिल समितिको आयोजनामा “नौमती पञ्चेबाजा प्रतियोगिता – २०७९ भब्यताका साथ सम्पन्न” भएको छ । सो कार्यक्रम काठमाडौं, जमल स्थित राष्ट्रिय नाच घरमा सम्पन्न भएको हो ।

यस कार्यक्रम सोही समितीका अध्यक्ष राम कुमार नेपालीको अध्यक्षतामा सम्पन्न भएको थियो भने ८ औं केन्द्रिय महाधिबेशनबाट हालैः निर्वाचित केन्द्रिय अध्यक्ष रिता थापा मगरको प्रमुख आतिथ्यता रहेको थियो । कार्यक्रममा चर्चित कलाकार र अनुज कलाकारहरुको उपस्थिती रहेको थियो ।

नौमती पञ्चेबाजा प्रतियोगिता २०७९ मा कमलादी समिती प्रथम, चाबहिल समिती द्धितिय, नयाँ बसपार्क समिती तृतिय हुन सफल भएका थिए भने उत्कृष्ट ब्यक्तिको रुपमा चाबहिल समितीका सुदिप जैरु चयन भएका थिए । नौमती पञ्चेबाजा प्रतियोगिता २०७९ मा निर्णायकको रुपमा बरिष्ठ संगीत संयोजक तथा संगीतकार आशिष अबिरल, बरिष्ठ नृत्य निर्देशक याम गुरुङ कुशल बाजा प्रशिक्षक सुर्य गौतम रहेका थिए । प्रतियोगितामा आयोजक (चाबहिल समिती) सहित ९ वटा समतिीले भाग लिएका थिए । कार्यक्रमलाई बागेश्वरी खड्का हाउजिङ डेभ्लपर्सले मुख्य प्रायोजन गरेको थियो ।

नौमती पञ्चेबाजा प्रतियोगिता २०७९ को अवसरमा हालै सम्पन्न महाधिबेशन तथा अधिबेशनबाट निर्वाचित केन्द्रिय कार्य समिती र उपत्यका समन्वय समितीका नव निर्वाचित पदाधिकारीहरुलाई बधाई तथा सम्मान पत्र सहित सम्मान गरिएको थियो ।