काठमाडौं । महिलाहरुको महान पर्व हरितालिका तीज नजिकिदै गर्दा तीज गीतहरु धमाधम बजारमा आउने क्रम जारी छ । सोही क्रममा चर्चित गायिका मिना लामाको तीज गीत “कता हिड्यौ साईली” सार्वजनिक भएको छ ।

यस गीतमा चर्चित कलाकारहरु मिना लामा, श्रीदेबी देबकोटा, चन्द्र शर्मा र अमृत खातीको स्वर रहेको छ भने बिक्रम बाबु बिश्वकर्माको शब्द, खेम सेञ्चुरीको संगीत रहेको छ । बिक्रम चौहानको निर्देशन रहेको गीतमा राम केसीको छायांकन, लक्ष्मण चौहानको सम्पादन रहेको छ ।

उक्त गीतको भिडियोमा टिका जैशी, बबिन सिंह ठकुरी, आयुश्मा कार्की, जोन बम, सरिता दानकोटी आदीको अभिनय रहेको छ । यस गीतलाई मिना लामाको युटुब च्यानलबाट सार्वजनिक गरिएको हो ।

हेर्नुहोस् भिडियो ।