काठमाडौं । महिलाहरुको महान पर्व हरितालिका तीज नजिकिदै गर्दा तीज गीतहरु धमाधम बजारमा आउने क्रम जारी छ । सोही क्रममा चर्चित गायिका जुना श्रीस मगरको तीज बिशेष गीत “माईती घरको” सार्वजनिक भएको छ ।

यस गीतमा जुना श्रीस मगरको स्वर रहेको छ भने रंग पत्रकार सुमन बैरागीको शब्द, संगीत रहेको छ । चर्चित निर्देशक स्मृती तिमल्सिना (गुरु आमा) को निर्देशन रहेको गीतमा करण चैशिरको छायांकन, मनोज कार्कीको सम्पादन रहेको छ । उक्त गीतको भिडियोमा अस्मिता रानाको अभिनय रहेको छ ।

यस गीतलाई जुना श्रीसको युटुब च्यानलबाट सार्वजनिक गरिएको हो । यो गीत अन्य गीत भन्दा पृथक रहेको छ । गीतमा मौलिकतालाई जोड दिन खोजिएको छ । बिबाहित चेलीले माईती घरको सम्झना दिलाउनुका साथै बिगत देखी वर्तमानका कुराहरु प्रस्तुत गर्न खोजिएको छ ।

हेर्नुहोस् भिडियो ।