काठमाडौं । देउराली पञ्चेबाजा टोकियो, जापानको आयोजनामा “बधाई तथा सम्मान कार्यक्रम” सम्पन्न भएको छ । कार्यक्रममा मोना आई.ई.सी.का हालै निर्वाचित अध्यक्ष ददिवल खड्कालाई सम्मान गरिएको छ । यस कार्यक्रममा देबेन्द्र भण्डारीको अध्यक्षता रहेको थियो भने ददिवल खड्काको प्रमुख आतिथ्यता रहेको थियो ।

सन् २०१२ मा स्थापना भएको देउराली पञ्चेबाजा टोकियो, जापानले भुकम्प पिडित, मृगौला पिडित, बाढी पिडित लगायत अन्य पिडितहरुलाई पनि सहयोग गर्दै आईरहेको छ । नेपाली कला संस्कृतीको जगेर्ना गर्नुका साथै दुखी गरिबहरुलाई सहयोग गर्ने यस संस्थाको मुख्य उदेश्य रहेको कुरा सोही संस्थाका कार्य समिती सदस्य ढक प्रसाद जुग्जाली मगरले जानकारी गराए ।

देउराली पञ्चेबाजा टोकियो, जापानले सम्मान गरेको प्रती आभार प्रकट गर्दै आगामी दिनमा हरेक क्रियाकलापहरुमा सहकार्य गर्ने कुरामा मोना आई.ई.सी.का हालै निर्वाचित अध्यक्ष ददिवल खड्काले प्रतिबद्धता जनाएका थिए ।