काठमाडौं । म्युजिक भिडियोमा कर्म गर्ने कलाकारहरुको छाता संगठन म्युजिक भिडियो कलाकार संघ नेपालको आयोजनामा “कलाकार भेटघाट तथा बृहत वनभोज कार्यक्रम” हुने भएको छ ।

यस कार्यक्रम चैत्र ३ गते शनीबार काठमाडौं स्थित टोखा भुत्खेलमा हुने कुरा “म्युजिक भिडियो कलाकार संघ नेपाल” की उपाध्यक्ष एबं सो कार्यक्रम की संयोजक लोकप्रिय मोडल मञ्जिता केसीले जानकारी गराएकी छिन् ।

“कलाकार भेटघाट तथा बृहत वनभोज कार्यक्रम” मा यसै संस्था की अध्यक्ष लोकप्रिय मोडल सम्झना बुढाथोकीले टिकट सौजन्य गरेकी छिन् । “कलाकार भेटघाट तथा बृहत वनभोज कार्यक्रम” मा साँस्कृतिक कार्यक्रम र खेलकुद कार्यक्रमको आयोजना गरिएको छ ।

साँस्कृतिक कार्यक्रम अन्तर्गत राष्ट्रिय ख्याती प्राप्त कलाकारहरुको गायन तथा नृत्य प्रस्तुती रहने छ । त्यस्तै खेलकुद कार्यक्रम अन्तर्गत घैटो फोर्ने र म्युजिकल चियर लगायत अन्य खेलहरु खेलाईने कुरा आयोजक पक्षले जानकारी गराएको छ ।

“म्युजिक भिडियो कलाकार संघ नेपाल” ले हरेक बर्ष “कलाकार भेटघाट तथा बृहत वनभोज कार्यक्रम” आयोजना गर्दै आईरहेको छ र यस पटक पनि भब्य रुपले सम्पन्न हुँदै छ । थप जानकारीका लागी ९८४९४६९५८२ र ९८५१२१४९८४ मा सम्पर्क गर्न सक्नुहुने छ ।