काठमाडौं । राष्ट्रिय लोक तथा दोहोरी गीत प्रतिष्ठान नेपालको पाँचौ पुर्ण बैठक (चौथो घुम्ती बैठक) नुवाकोट दरबारमा सम्पन्न भएको छ । बैशाख १३ गते नुवाकोट दरबारमा परम्परागत परापुर्वकाल देखी चलाउदै आएको सिंन्दुरे जात्रामा प्रतिष्ठान की केन्द्रिय अध्यक्ष सहित सम्पुर्ण कार्य समिती, अन्य बिशिष्ट ब्यक्तिहरुलाई सम्मान तथा स्वागत गरिएको थियो ।

चौथो घुम्ती बैठकमा पञ्चेबाजा सहितको सांगीतिक प्रस्तुतीले अत्यन्तै रमाईलो गराएको थियो । चौथो घुम्ती बैठकमा प्रतिष्ठान की केन्द्रिय अध्यक्ष रिता थापा मगरको अध्यक्षता रहेको थियो भने संस्थापक अध्यक्ष अम्मर बिरही गुरुङ, पुर्व अध्यक्ष दुर्गा रायमाझी, रसुवा जिल्ला अध्यक्ष राज कुमार थापा, बागमती प्रदेश अध्यक्ष बासु सिम्खडा, नुवाकोट जिल्ला अध्यक्ष बिमला बस्नेत, पर्यटन ब्यवसायी सुमन पाण्डे लगायत थुप्रै ब्यक्तिहरुको बिशेष उपस्थिती रहेको थियो ।

कार्यक्रमको सञ्चालन केन्द्रिय महासचिव शिब हमालले गरेका थिए । चौथो घुम्ती बैठकमा केन्द्रिय बरिष्ठ उपाध्यक्ष पशुपती शर्माले स्वागत मन्तब्य राखेका थिए । कार्यक्रम संयोजकको रुपमा उषा सुबेदी रहेकी थिईन् ।

ऐतिहासिक नुवाकोट दरबारमा पाँचौ पुणै बैठक (चौथो घुम्ती बैठक) भब्य रुपमा सफल भएको र सफल बनाउन योग्दान दिनुहुने ब्यक्तिहरुलाई सम्मान पत्रद्धारा सम्मान गरिएको कुरा प्रतिष्ठानका प्रशासनिक सहसचिव तथा सञ्चार समन्वय बिभागका प्रमुख राज कुमार रायमाझीले जानकारी गराएका छन् ।