काठमाडौं। म्युजिक भिडियो कलाकारहरुको छाता संगठन “म्युजिक भिडियो कलाकार संघ नेपाल” को आठौं साधारण सभा तथा चौथो अधिबेशन माघ २४ गते शनिबारका दिन काठमाडौं, अनामनगर स्थित किम्ची रेष्टुरेन्टमा सम्पन्न हुने भएको छ।

यस संस्थाले म्युजिक भिडियो कलाकारहरुको हक हितको लागी कार्य गर्दै आईरहेको छ। बिपतमा परेका कलाकारहरु, कलाकारहरुलाई केही समस्याहरु तथा बाधा अबरोध आईपरेमा समाधानको माध्यम पनि बन्ने गरेको छ। म्युजिक भिडियो कलाकार संघ नेपालले कोरोनाको महामारीमा पनि कलाकारहरु लगायत पिडित ब्यक्तिहरुलाई बिपद ब्यवस्थापन र राहत बितरण पनि गरेको थियो।

म्युजिक भिडियो कलाकार संघ नेपालले यस संस्थाको सदस्यता लिएका ब्यक्तिहरुले माघ १५ गते भित्र सदस्यता नबिकरण गर्न र नयाँ सदस्यता लिन ईच्छुक ब्यक्तिहरुले पनि माघ १५ गते भित्र सदस्यता लिन अनुरोध गरेको छ। सदस्यता नबिकरण गरेका र नयाँ सदस्यता लिएका ब्यक्तिहरुले मात्र मताधिकार पाउने कुरा सोही संस्थाका कोषाध्यक्ष देबेन्द्र क्षेत्रीले जानकारी गराएका छन्।

म्युजिक भिडियो कलाकार संघ नेपालको आठौं साधारण सभा तथा चौथो अधिबेशनलाई सबैले आ आफ्नो तवरबाट सक्दो सहयोग गरिदिन र सभ्य तथा भब्य रुपमा सफल बनाईदिन सोही संस्थाका महासचिब सुनिल लामिछानेले अनुरोध गरेका छन्।