काठमाडैं। केही बर्ष यता बैदेशिक रोजगारीको शिलशिलामा ठगी गर्ने गिरोह बढेको पाईन्छ। सोझा ब्यक्तिहरुलाई बिभिन्न लोभ लालच र आश्वासन देखाई बैदेशिक रोजगारीमा पठाईदिन्छु भन्दै ठगी गर्ने गरेको पाईन्छ। त्यस्तै पछिल्लो समय सुनसरी जिल्ला, धरान उप.म.न.पा. वडा नं. १५ ठेगाना भई हालः काठमाडौंमा बस्ने निर बहादुर लिम्बुको छोरी शान्ती लिम्बु बिरुद्ध ठगी मुद्धामा उजुरी परेको छ।

शान्ती लिम्बुले बिभिन्न युवाहरुलाई बैदेशिक रोजगारीमा पठाईदिने भन्दै लाखौ रकम ठगी गरेको खुलाशा भएको छ। बैदेशिक रोजगारीमा पठाईदिन्छु भनदै अनेक आश्वासन दिदै ठगी गरेको कुरा केही पीडित पक्षबाट आएको छ। शान्ती लिम्बुलाई मिती २०८१/९/८ मा बैदेशिक रोजगार बिभागमा जाहेरी दर्ता भएको थियो। उनको जाहेरी मु.द.नं. १७२० २०८१ मा उल्लेख रहेको छ। सो जाहेरी महेन्द्र सुनार लगायत अन्य समुहले दर्ता गरेका हुन्।

जाहेरीमा महेन्द्र सुनार बादी र शान्ती लिम्बु प्रतिबादीका रुपमा रहेका छन्। बैदेशिक रोजगार न्यायाधिकरणबाट पक्राउ गर्न अनुमती दिएपछि बैदेशिक रोजगार बिभागले पक्राउ गरी स्वास्थ्य परिक्षण गरी उपस्थित उपस्थित गराईदिनका लागी काठमाडौं उपत्यका प्रहरी कार्यलय, रानीपोखरी, काठमाडौं र जिल्ला प्रहरी कार्यालय सुनसरीलाई पत्राचार समेत गरेको खबर प्राप्त भएको छ। ३२ बर्षिय शान्ती लिम्बु फरार भई रोमानियामा लुकीछिपी बसेको आशंका पछि नेपाल तथा बिदेशमा पनि उनको खोजी कार्य तिब्र रुपमा बढेको छ। शान्ती लिम्बु कलाकार एबं मेकअप आर्टिष्ट समेत हुन्। उनको खोजी कार्य जारी रहेको निकट स्रोतले बताएको छ।