काठमाडौं। नेपाली संगीत क्षेत्रमा पछिल्लो समय एकपछि अर्को गर्दै नयाँ गीतहरू सार्वजनिक भइरहेका छन्। सोही क्रममा चर्चित सर्जक नकुल ढकाल (नबिन) को समसामयिक बिषयमा नयाँ गीत “चिठी के पठाम” सार्वजनिक भएको छ।

यस गीतमा धौलागिरीको काख बागलुङको बलेवा स्थित ढकाल टोलको ईतिहास देखी हाल: सो टोल रित्तिदै गएको र मानव बस्ती समेत कम भएको कुरा उल्लेख गर्दै ईन्टरनेटको जमानामा चिठी किन पठाउने हो र भन्ने बिषयलाई बिशेष महत्व दिईएको छ।

आजकल विकट ठाँउ बाहेक गाँउ तथा शहरमा ईन्टरनेट बढी प्रयोग भएको पाईन्छ। ईन्टरनेट र सामाजिक सञ्जाल बिना धेरैको दिनचर्या बित्न गाह्रो छ। यस्तै कुराहरुलाई समेट्दै प्रेमी प्रेमिका बिचको सम्बन्धलाई गीत मार्फत प्रस्तुत गरिएको पाईन्छ। नकुल ढकाल (नबिन) धौलागिरीको काख बागलुङको बलेवा स्थित ढकाल टोलमा जन्मिएर म्याग्दीको बेनी बजारमा सोलार र बिजुलीजन्य ब्यवसाय गर्दै आईरहेको छन्।

ढकाल परिवार हाल म्याग्दीको बेनी बजारमा नै बसोबास गर्दै आईरहेका छन्। “चिठी के पठाम” नामक गीतमा नकुल ढकाल (नबिन) र उनकै सुपुत्री नबिना ढकालको स्वर रहेको छ भने नकुल ढकाल (नबिन) को शब्द र लोकप्रिय संगीतकार तथा गायक बसन्त थापाको संगीत रहेको छ।

सो गीतको भिडियोमा प्रशान्त मगरको निर्देशन तथा कोरियोग्राफी, करण चैशिरको छायांकन, प्रबिन भट्टको सम्पादन रहेको छ। उक्त गीतको भिडियोमा नबिन ढकाल (नबिन) र जुना बिश्वकर्माको अभिनय रहेको छ। “चिठी के पठाम” गीतलाई नकुल ढकाल (नबिन) को युटुब च्यानलबाट सार्वजनिक गरिएको हो।

भिडियो हेर्न तलको लिंक क्लिक गर्नुहोला।