अहिलेको युवा प्रेमी प्रेमीकाहरुको कथामा आधारित रहेको छोटो चलचित्र (Short Movie) “कलियुगको प्रेम” सार्वजनिक भएको छ । “कलियुगको प्रेम” मा झुटो प्रेममा फसेपछि आफ्नो करियर सँगै जिन्दगी नै बर्बाद हुन्छ । साचो मायाको कदर हुनुपर्छ । कुन ब्यक्ती कस्तो हो बुझेर मात्र संगत गर्नुपर्छ । माया भनेको दई तर्फी हुनुपर्छ, एक तर्फी मायाले पागल बनाउछ ।

प्रेमको अर्थ नबुझ्नाले, समय र ब्यक्ति नचिन्नाले करोडको मान्छे रोडमा पुग्न समय लाग्दैन भन्ने सन्देश दिन खोजिएको छ । कतिपय युवाहरुले युवतीहरुलाई खुसी बनाउदा बनाउदै आफु कमजोर स्थितीमा पुगेका कुराहरु सामाजिक सञ्जालमा नआएका चाँही होईनन् । त्यसै कथामा आधारित रहेर पछिल्लो समयका युवा युवतीहरुलाई सन्देश दिन खोजिएको हो ।

“कलियुगको प्रेम” मा प्रकाश बराईली “अभिब्यक्ति” को लेखन / निर्देशन रहेको छ भने दिपेन्द्र प्रकाश के.सी. को छायांकन, लोकेश भाटको सम्पादन रहेको छ । युवा प्रेमी प्रमिकाहरुको कथामा आधारित रहेको छोटो चलचित्र “कलियुगको प्रेम” मा प्रकाश बराईली अभिब्यक्ति, शशि कला राई, राज कुमार रायमाझी, भिम कुसारी, रमेश सेञ्चुरी, अनिशा चाम्लिङ आदीको अभिनय रहेको छ । यस “कलियुगको प्रेम” लाई म्याग्देली डिजिटल एण्ड मल्टी मिडिया सेन्टरको युटुब च्यानलबाट सार्वजनिक गरिएको हो ।

भिडियो हेर्न तलको लिंक क्लिक गर्नुहोला ।