काठमाडौं । पछिल्लो समय अभिनेता पल शाह र गायिका समीक्षा अधिकारीको सम्बन्धलाई लिएर विवाद देखिएको छ । गायिका अधिकारीले अभिनेता शाहले आफूलाई बलात्कार गरेको भन्दै बुधबार तनहुँ प्रहरीमा उजुरी समेत दिएकी छिन् ।

पलले भने उनलाई कसैले उक्साएको बताउँदै आएका छन् । यसैबीच पलले बिहीबार बिहान सामाजिक सञ्जालमा आफूलाई फसाउने चार जनाको नाम सार्वजनिक गर्दै आफू निर्दोष रहेको बताएका छन् ।

सोमबार दिउसो एक मिडियाले उनको आवाज र समिक्षाले बोलेको कुरालाई लिएर समाचार बनाएका थिए । जुन सामाजिक सञ्जालमा भाइरल भएपछि पलले त्यो आफ्नो अडियो रेकर्ड नभएको दाबी गरेका छन् । उनले मंगलबार एक विज्ञप्ती जारी गर्दै आफुलाई फसाउन खोजिएको प्रतिक्रिया दिएका थिए ।

उनले आफू दोषी भए कानुन अनुसार कारबाही भोग्न तयार रहेको पनि बताएका छन् । पलले सार्वजनिक गरेको नाममा मोडल दुर्गेश थापा, कृष्ण जोशी, सरोज ओली र सम्राट चौँलागाई रहेका छन् ।

पलले गायिका अधिकारीलाई यी चार जनाले आफूलाई फसाउन बनाएको मास्टर प्लानको अडियो क्लिप पनि सार्वजनिक गरेका छन् ।

अडियो क्लिपमा मोडल दुर्गेश, गायिका समिक्षा र अन्य युवाहरु पललाई कसरी फसाउने भन्नेबारेमा प्लान गरिरहेको सन्न सकिन्छ । 

पलले आफूलाई फसाउन प्लानिङ गरिएको ६ वटा अडियो क्लिप सार्वजनिक गरेका छन् ।