काठमाडौं / नेपाल

महिलाहरुको महान पर्व हरितालिका तीज नजिकिदै गर्दा तीज विशेष गीतहरु बजारमा आउने क्रम जारी छन् । सोही क्रममा बरिष्ठ सर्जक तथा गायक भगवान भण्डारीको शब्द, संगीतमा भगवान भण्डारीकै श्रीमती सुमधुर स्वरकी धनि गायिका निर्मला भण्डारीको आवाजमा तीज गीत “बुट्टे सारी” सार्वजनिक भएको छ।

मौलिक तीज गीत गाउने निर्मलाले केहि बर्ष अगाडी नेपालमै आएर आफ्नो स्वरमा गीत बजारमा ल्याएकी हुन् भने अहिले अमेरिकामा बस्दै आएका भगवान भण्डारी र उनकी श्रीमती निर्मला भण्डारीको सहकार्यमा “बुट्टे सारी” सार्वजनिक भएको हो ।

“बुट्टे सारी” गीतमा अभिनय भने गीता ढुंगाना, निक्स शर्मा र श्रीयता केसीको रहेको छ । प्रकाश भट्टको निर्देशन रहेको गीतमा राजेश घिमिरेको छायांकन, भिडियो सम्पादन बिष्णु शर्माको रहेको छ । सोही गीतको भिडियो हेर्न तलको लिन्क क्लिक गर्नुहोला ।