नयाँ बसपार्क समितिको आयोजनामा “पाचौं बृहत मौलिक तीज गीत महोत्सव – २०७९” हुने
वि.सं.२०७९ भदौ १ बुधवार ०४:२४
काठमाडौं / नेपाल
“अग्रज कलाकारलाई सम्मान, नवप्रतिभालाई प्रोत्साहन” भन्ने मुल नारा सहित राष्ट्रिय लोक तथा दोहोरी गीत प्रतिष्ठान नेपाल, उपत्यका समन्वय नयाँ बसपार्क समितिको आयोजनामा “पाचौं बृहत मौलिक तीज गीत महोत्सव – २०७९” हुने भएको छ ।
यस कार्यक्रम यहि भाद्र ५ गते काठमाडौं स्थित राष्ट्रिय नाचघर, जमलमा सम्पन्न हुदैछ । सो कार्यक्रममा संस्थागत श्रस्टा, दोहोरी साझ दशक श्रस्टा सम्मान, अग्रज श्रस्टा सम्मान संगै ख्याती प्राप्त कलाकारहरुको विशेष प्रस्तुती रहने कुरा सोही समितिका अध्यक्ष अञ्चल शाहीले जानकारी गराएका छन् ।
उक्त प्रतियोगितामा प्रथम पुरस्कार ३३,३३३/- , द्वितीय पुरस्कार २२,२२२/- , तृतीय पुरस्कार ११,१११ /- , सान्त्वना पुरस्कार ५,५५५/- निर्धारण गरिएको छ । “पाचौं बृहत मौलिक तीज गीत महोत्सव – २०७९” लाई सभ्य तथा भब्य रुपमा सफल बनाईदिन आयोजक कमिटीका अध्यक्ष अञ्चल शाहिले अनुरोध गरेका छन् ।
वि.सं.२०७९ भदौ १ बुधवार ०४:२४
