काठमाडौं । चिरायु नेशनल हस्पिटलले बिगत लामो समयदेखी स्वास्थ्य क्षेत्रमा कर्म गर्दै आएको छ । साथै कलाकारहरुलाई बिशेष छुटका उपचार तथा परामर्श दिदै आएको छ । केही बर्ष अघी राष्ट्रिय लोक तथा दोहोरी गीत प्रतिष्ठान नेपाल सँग तत्कालिन अध्यक्ष रमेश बिजी (हालः का निवर्तमान अध्यक्ष) को कार्यकालको समयमा कलाकारहरुलाई बिशेष छुटका साथ उपचार गर्ने सम्झौता भएको थियो ।

त्यसै अनुरुप यस हस्पिटलबाट धेरै कलाकारहरुले स्वास्थ्य लाभ लिएका छन् । तपाईको स्वस्थता हाम्रो प्रतिबद्धता भन्ने मुल नाराका साथ चिरायु नेशनल हस्पिटलले बिभिन्न ठाँउमा पनी स्वास्थ्य शिबिरहरु पनि गर्दै आईरहेको छ । त्यस्तै धादिङमा सम्पन्न राष्ट्रिय लोक तथा दोहोरी गीत प्रतिष्ठान नेपालको ८ औं केन्द्रिय महाधिबेशनमा पनी चिरायु नेशनल हस्पिटलले निशुल्क स्वास्थ्य शिबिर गरेको थियो ।

त्यस शिबिरमा २ सय जना बढी ब्यक्तिहरुले स्वास्थ्य लाभ लिएको कुरा हस्पिटल म्यानेजर हिमाल रानाले जानकारी गराएका छन् । २ सय जना भन्दा बढी ब्यक्तिहरुलाई नि:शुल्क स्वास्थ्य परामर्श, नि:शुल्क सुगर जाँच, नि:शुल्क रगत जाँच, नि:शुल्क तौल जाँच, नि:शुल्क औषधी बितरण गरिएको थियो । शिबिरमा चिरायु नेशनल हस्पिटलको टिमबाट डाक्टर सहित ब्यवस्थापन समुहमा ८ जनाले सेवा प्रदान गरेका थिए । शिबिरमा नवराज भुजेल र किरण फुयालले संयोजन गरेका थिए ।