पोखरा पृथ्वीचोकमा पार्किङ गरि राखेको बस चोरेर लैजाँदै गर्दा १७ बर्षिय किशोर चितवनमा पक्राउ
वि.सं.२०८० मंसिर २४ आइतवार १४:२७
पोखरा । पोखराबाट एक किशोरले बस चोरी गरेका छन् । पोखरा – ९, पृथ्वीचोकमा पार्किङ गरि राखेको बस चोरेर लैजाँदै गर्दा किशोर पक्राउ परे ।
शुक्रवार ग १ ख ९६३८ नम्बरको बस उनले चोरेर चितवन लगेका हुन् । बस चोरी भएको सूचना पाएपछि प्रहरीले खोजी थाल्यो ।
चितवन स्थित भरतपुर ११ आँपटारी चेकपोष्टबाट बस सहित तनहुँ म्याग्दे घर भएका १७ वर्षीय किशोर पक्राउ परेका छन् । बालकको परिचय प्रहरीले गोप्य राखेको छ ।
उनलाई जिल्ला अदालतबाट चोरी तथा डाँका मुद्दामा म्याद थप गरी अनुसन्धान थालिएको डीएसपी श्रवणकुमार विकले जानकारी दिए ।
वि.सं.२०८० मंसिर २४ आइतवार १४:२७
