काठमाडौं। नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर नयाँ नयाँ गीतहरु सार्वजनिक भईरहेका छन्। सोही क्रममा गीतकार रोशन क्षत्रीको नयाँ गीत “रबी दाई” सार्वजनिक भएको छ।

नेपाल सरकारले रबी लामिछानेलाई सहकारी ठग अभियोगमा पटक पटक दुख दिएको र अदालत अनी छानबिन समितिबाट पनि निर्दाेष साबित हुँदा उन्मुक्ती नपाएपछि यस गीतको सृजना भएको कुरा गीतकार रोशन क्षत्रीले जानकारी गराएका छन्। साथै देशमा केही गर्छु, भ्रष्टचार निर्मुल पार्न महत्वपुर्ण भुमिका निर्वाह गर्छु भन्ने रबी लामिछाने माथी ठुलो षड्यन्त्र भएको बेला रबी लामिछानेलाई समर्थन गर्दै यो गीत सार्वजनिक गरिएको कुरा गीतकार क्षत्रीले बताए।

“रबी दाई” नामक गीतमा भिम बहादुर पौडेल, सुनिता बुढा क्षत्री, शोभित बिक, सुनिता सुनार, रमेश सेञ्चुरी, बिपना सेञ्चुरी आदीको स्वर रहेको छ भने रोशन क्षत्रीको शब्द, गोपाल सापकोटाको संगीत रहेको छ। यस गीतको भिडियोमा शोभित बिश्वकर्माको निर्देशन, नबिन भण्डारीको छायांकन, रबिन बिकको सम्पादन रहेको छ।

उक्त गीतको भिडियोमा भिम बहादुर पौडेल, राज कुमार क्षत्री, गजल अमनटिका, शोभित बिक, रमेश सेञ्चुरी, युमी गौतम आदीको अभिनय रहेको छ। यस गीतलाई रोशन म्युजिक युटुब च्यानलबाट सार्वजनिक गरिएको हो।

सोही गीतको भिडियो हेर्न तलको लिंक क्लिक गर्नुहोला।