काठमाडौं। सोलुदुधकुण्ड नगरपालिका वडा नं.७ निवासी विजय घिमिरे विश्वकर्माको लेक लागेर आज निधन भएको खबर प्राप्त भएको छ। कार्यालयका सूचना अधिकारी प्रहरी निरीक्षक विकास राईका अनुसार सगरमाथाको क्याम्प १ क्षेत्रमा पुगेका आरोही घिमिरे आज बिहान करिब ४ बजेतिर अचानक बिरामी परेका थिए।

उनलाई तत्काल बेस क्याम्पतर्फ फर्काउने क्रममा बाटोमै निधन भएको हो। ट्रेक नेपाल कम्पनी मार्फत आरोहणमा सहभागी घिमिरेको शव हेलिकप्टर मार्फत लुक्ला हेलिप्याड ल्याइएको र परीक्षणका लागि त्रिवि शिक्षण अस्पताल काठमाडौँ ल्याउने तयारी भइरहेको प्रहरीले जनाएको छ।

यस अघि पनि सगरमाथाको चुचुरो चुमिसकेका घिमिरे पछिल्लो समय आरोही ‘गाइड’ को रूपमा समेत कार्यरत थिए। तिन पटक सम्म सगरमाथाको सफल आरोहण गरेका र चौथो पटक सगरमाथा आरोहण गरेर फर्किने क्रममा आज बिहान करिब ४ बजे तिर लेक लागेर निधन भएको खबर प्राप्त भएको हो। विजय घिमिरे बिश्वकर्मा दलित समुदायको प्रथम सगरमाथा आरोही पनि थिए। घ् पटक सफल आरोहरण गरी बिश्व किर्तिमानी समेत राखेका थिए।