चितवन, २१ मंसिर । राष्ट्रिय दलित पत्रकार संघ, नेपाल चितवन शाखाको प्रथम वार्षिक साधारण सभा पौष ३ गते शनिबार आयोजना हुने निर्णय भएको छ । मंगलबार बसेको शाखाको पूर्ण बैठकले साधारण सभाको मिति तय गरेको हो ।

साधारणसभामा चितवन शाखाले स्थापना गरेको चुडामणी बराल स्मृति राष्ट्रिय पत्रकारिता पुरस्कार, उत्कृष्ट पत्रकारिता पुरस्कार र क्रियाशील पत्रकारिता पुरस्कार घोषणा गरि हस्तान्तरण गरिनेछ ।

बैठकले शाखाको आर्थिक वर्ष ०७६-०७७ र ०७७-०७८ को लेखा परिक्षण प्रतिवेदन छलफल गरि पारित गरेको छ । चितवन शाखाको आतिथ्य तथा व्यवस्थापनमा गत कार्तिक १२ र १३ गते चितवनमा आयोजना भएको केन्द्रीय पूर्ण बैठकको आर्थिक प्रतिवेदन छलफल गरि पारित गरेको छ।

बैठकमा राष्ट्रिय दलित पत्रकार संघ, नेपाल बागमती प्रदेश सहसचिव सरोज उपरोकोटी, प्रदेश सदस्य अशोक परियारको विशेष उपस्थिती रहेको थियो।

बैठक चितवन शाखा अध्यक्ष अमिर रामदामको अध्यक्षतामा सम्पन्न भएको थियो।