कृष्ण समीप सुवेदीको शब्द, संगीत, स्वर र दिपेन्द्र तिमिल्सिनाको निर्देशनमा “ए भन्दे बतास” सार्वजनिक
वि.सं.२०८० साउन २१ आइतवार १०:३९
काठमाडौं। नेपाली सांगितिक बजार संगीतमय बन्दै गएको छ । पछिल्लो समय एकपछि अर्को गरेर गीतहरु आउनेक्रम बढे संगै कलाकारहरुले नयाँ नयाँ गीतहरु सार्वजनिक गरिरहेका छन्। सोही क्रममा गायक तथा संगीतकार कृष्ण समीप सुवेदीको नयाँ गीत “ए भन्दे बतास” सार्वजनिक भएको छ ।
सुवेदीको आफ्नै यूट्युब च्यानलबाट सार्वजनिक “ए भन्दे बतास” बोलको गीतमा शब्द, सङ्गीत तथा स्वर सुवेदीको नै रहेको छ । दिपेन्द्र तिमिल्सिनाको निर्देशन तथा कोरियोग्राफी रहेको यस गीतमा नबराज उप्रेतीको छायांकन, मनोज कार्कीको सम्पादन रहेको छ ।
उक्त गीतको भिडियोमा गायक सुवेदी आफैले अभिनय गरेका छन् भने उनलाई स्मारिका ढकालले अभिनयमा साथ दिएकी छन् । साथै बाल कलाकारहरू तनिस्का थापा र आरोन श्रेष्ठको पनि अभिनय रहेको छ ।
हेर्नुहोस् भिडियो ।
वि.सं.२०८० साउन २१ आइतवार १०:३९
