काठमाडौं। नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर नयाँ नयाँ गीतहरु सार्वजनिक भईरहेका छन्। सोही क्रममा लोकप्रिय गीतकार एबं कलाकार नकुल ढकाल (नबिन) को नयाँ गीत “बधाई छ बेईमानी” सार्वजनिक भएको छ । यस गीतमा नकुल ढकाल (नबिन) को शब्द, संगीत रहेको छ भने बेनिशा पौडेल र महेश कुमार औजीको स्वर रहेको छ ।

गीतमा आफ्नो प्रेमीले धोका दिएपनि प्रेमीकाले चाही प्रेमीको दुख देख्न नसकेको र भलो चिताएको कुरालाई बिषय बस्तु बनाउन खोजिएको छ। जिन्दगीमा सबै ब्यक्ति सफल हुन पनि सक्दैनन् र सबै सकारात्मक ब्यक्ति भेटिन पनि कठिन हुन्छ। आफुले मन देखी माया गरेको मान्छेलाई छिट्टै कस्ले बिर्सन सक्छर?

आफुले मन देखी माया गरेको प्रेमीले धोका दिएतापनि प्रेमिकाले त्यही धोकेबाज प्रेमीको खुसी चाहन्छे। प्रेमीका जती दुखमा परेतापनि धोकेबाज प्रेमीको खुसीका लागी प्रण गर्दछे। गीतमा यस्तै यस्तै कथा बस्तुको सामिप्यता रहेको छ।

यस गीतको भिडियोमा मौसम हिमालीको निर्देशन रहेको छ भने बुद्ध थापाको छायांकन, मनोज कार्कीको सम्पादन रहेको छ। उक्त गीतको भिडियोमा देबेन्द्र बब्लु, स्मारिका ढकाल, लालना चिमरिया र बाल कलाकार अक्षत हिमाली आदीको अभिनय रहेको छ। यस गीतलाई बिन्ध्यावासिनी म्युजिकको युटुब च्यानलबाट सार्वजनिक गरिएको हो।

हेर्नुहोस् भिडियो।