काठमाडौं। नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर नयाँ नयाँ गीतहरु सार्वजनिक भईरहेका छन्। हिन्दु नारीहरुको महान चाड हरितालिका तीज आउन बाँकी नै छ। तर पनि तीज गीतहरु आउनेक्रम जारी छ।

सोही क्रममा चर्चित गायिका कला लम्सालको नयाँ गीत सार्वजनिक भएको छ । कलाले “अन्टी लभर” बोलको गीत आफ्नै युट्युब च्यानल मार्फत सार्वजनिक गरेकी हुन्। सधैं जसो तीजको समयमा मौलिक गीत सार्वजनिक गर्दै आएकी गायिका लम्सालले यसपटक भने यसपटक भने फरक शैलीको गीत सार्वजनिक गरेकी हुन् । डान्सिङ नम्बरमा आधारित गीत रमाइलो र सन्देशमुलक छ । तीजको छेको सार्वजनिक भएको यो गीत तीजको गीत नभएता पनि छमछमी नाँच्न मिल्ने बनेको छ।

गीतमा उनै कला लम्साल र चर्चित गायक एबं एरेञ्जर गायक आशिष अबिरलको स्वर सुन्न सकिन्छ । रमेश परियारको शब्द तथा संगीत रहेको रहेको गीतको संगीत संयोजन र मिक्सिङ तथा मास्टरिङ आशिष अबिरलले नै गरेका हुन्।

गीतजस्तै भिडियो पनि राम्रो बनेको छ । मौसम हिमालिले निर्देशन र कोरियोग्राफी गरेको भिडियोमा स्वयम् गायिका लम्साल र बद्री प्रसाद तिवारीले कम्मर मर्काएका छन्। नवराज उप्रेतीले छायांकन गरेको भिडियोलाई मनोज कार्कीले सम्पादन र कलरिङ गरेका हुन्। गीत सदाबहार बजाउन मिल्ने छ। तीजकै गीत नभएता पनि तीजमा पनि कम्मर मर्काएर नाच्न र गाउन मिल्ने गीत छ ।

भिडियो हेर्न तलको लिंक क्लिक गर्नुहोला।