लोकप्रिय गायक शिशिर योगीको स्वर र संगीत रहेको “यो कस्तो जमाना” बोलको गीत बजारमा आएको छ। गीतमा शब्द परिकल्पना चन्द्रशेखर अधिकारी, रचना पुरुषोतम अधिकारीले गरेका हुन्।

गायक योगीले आवाज दिएका प्राय गीतहरु देशभक्त चेतका हुन्छन् भन्ने कुरा आम नेपाली दर्शकलाई जानकारी नै छ। यसै क्रममा योगीले देशको विद्यमान विकृति, विसंगती, अत्याचार, कुसंस्कार र पापी पराचिति र व्यभिचारीका बिरुद्धमा ‘यो कस्तो जमाना’ बोलेको गीतमा आवाज दिएका छन्।

गायक तथा संगीतकार बीबी अनुरागीको संगीत संयोजन र वीरेन्द्र भाट बिपिनको निर्देशन, छायांकन तथा सम्पादन रहेको उक्त गीतको भिडियो वर्ल्ड कभर मिडियाको पोष्ट प्रोडक्सनमा तयार भएर शिशिर योगी युट्युव मार्फत सार्वजनिक गरिएको हो ।

बिग्रिएको मतीलाई कसले सपार्ने ? बाबुले छोरी नभन्ने, सन्तानहरुले बाआमा नभन्ने, शिक्षकले विद्यार्थी नभन्ने, दाजुभाइ नै बहिनीहरुको इज्जत नचिन्ने, यो कस्तो जमना ? के आयो जमना ? भन्दै गीत मार्फत प्रश्न गरिएका छन्।

सोही गीतको भिडियो हेर्नका लागी तलको लिंक क्लिक गर्नुहोला ।