काठमाडौं। दशैं–तिहारको उमंग बोकेर आयो “दशैं आयो तिहार आयो” शान्ती श्री परियार र बिनय खत्रीको स्वरमा पर्व विशेष लोकगीत सार्वजनिक

काठमाडौं । नेपालीहरूको महान् पर्व दशैं तथा तिहारलाई लक्षित गर्दै नयाँ पर्व विशेष लोकगीत “दशैं आयो तिहार आयो” सार्वजनिक भएको छ। चाडपर्वको उमंग, गाउँघरको सम्झना र नेपाली मौलिक संस्कृतिको भाव समेटिएको गीत CHAN RECORDS को प्रस्तुतिमा सार्वजनिक गरिएको हो।

गीतमा लोकप्रिय गायिका शान्ती श्री परियार र गायक बिनय खत्रीको स्वर रहेको छ। गीतका शब्द होमनाथ कुवरले लेखेका छन् भने संगीत घनश्याम खत्रीले दिएका छन्। दशैं–तिहार नेपाली समाजमा पारिवारिक भेटघाट, आत्मीयता र सांस्कृतिक परम्परासँग जोडिएको महत्वपूर्ण पर्व हो। यही सांस्कृतिक भावनालाई संगीतमार्फत प्रस्तुत गर्ने उद्देश्यले गीत तयार गरिएको निर्माण पक्षले जनाएको छ।

गीतको भिडियोमा प्रकाश सपुत र जुना बिकको अभिनय रहेको छ। भिडियो मार्फत दशैं–तिहारको वातावरण, नेपाली समाजको मौलिकता र चाडपर्वको भावलाई प्रस्तुत गर्ने प्रयास गरिएको छ। पछिल्लो समय नेपाली मौलिक लोकगीतको क्षेत्रमा पर्व विशेष सिर्जनाहरू सार्वजनिक हुने क्रम बढिरहेका बेला “दशैं आयो तिहार आयो” पनि दर्शक–श्रोताका लागि नयाँ सांगीतिक उपहारका रूपमा आएको हो।

विशेषगरी विदेशमा रहेका नेपालीहरूलाई समेत आफ्नो गाउँघर र चाडपर्वको सम्झना गराउने भाव गीतमा समेटिएको निर्माण पक्षको भनाइ छ। गीत सार्वजनिक भएसँगै सामाजिक सञ्जालमा कलाकार तथा सर्जकलाई शुभकामना र बधाई दिने क्रमसमेत सुरु भएको छ। निर्माण टोलीले गीतलाई हेरेर, सुनेर तथा प्रतिक्रिया दिएर माया र हौसला प्रदान गर्न सम्पूर्ण दर्शक–श्रोतामा आग्रह गरेको छ।

भिडियो हेर्न तलको लिंक किलक गर्नुहोला।