पछिल्लो समयमा नेपाली गीत संगीतलाई निकै माया गर्ने तथा अमेरिकामा बसेर पनि समय समयमा गुरुङ भाषा भाषी गीत संगीत संगै नेपाली गीत संगीत मार्फत मनोरन्जन तथा शन्देश दिने कलाकार तथा रचनाकार प्रेम गुरुङ हुन् । 

भाषा भाषी गीत संगीत बजार विस्तार हुदैं गएको पाइन्छ भने आफ्नो भाषा र भेष भुषामा सजिएर मौलिक पनमा आधारित गीत संगीतलाई कलाकारहरुले प्राथमिकता दिएका छन् । नेपाली कला कारितामा पनि गुरुङ कलाकार तथा तमु कलाकार अग्र स्थानमा देखिन्छ आफ्नो कला भेष भुषालाई सम्मान गर्दै आफ्नो संस्कार कलालाई संसार माझ पुर्‍याउन जुटिरहेका छन् । 

हालै मात्र प्रेम गुरुङको शब्द र तेजेन्द्र गुरुङको संगीतमा लोक प्रिय गायक राजेश पायलको आवाजमा रहेको “प्यारो प्यारो नेपाल” शिर्षक बोलको गीत हालै अमेरिकाको विभिन्न स्थानमा छायांकन भएको छ भने उक्त गीतको बाँकी छायांकन नेपालमा पनि हुने जानकारी पाईएको छ ।

उक्त गीतमा संगीतकार तेजेन्द्र गुरुङकै संगीत सयोजन रहेको छ भने उक्त भिडियोलाई चर्चित निर्देशक शंकर बिसीले निर्देशन गरेका हुन् र छायांकन शम्भु मोक्तानको रहेको छ । उक्त गीतले देश भक्ति र आफ्नो जन्मेको देश प्राण भन्दा प्यारो हुन्छ भन्ने शन्देश दिन खोजिएको छ  ।

अमेरिकामा बसोबास गर्ने तमु समाजका कलाकारहरुको उपस्थितीमा उक्त भिडियो छायांकन गरिएको हो भने उक्त भिडियोलाई अब चाडै भन्दा चाडै ग्लोबल नेपाल इन्टरटेन्टमेन्टको युट्युव च्यानल मार्फत सार्वजनिक गरिने समेत जानकारी आएको छ ।