काठमाडौं, नेपाल । गत मंसिर २७, २८ गते भारत को नयाँ दिल्ली मा दलित उत्थान का महत्वपुर्ण निर्णय गर्दै ,बाबू जगजिबन राम कला सँस्कृती साहित्य एकाडेमीद्वारा आयोजित अन्तर्राष्ट्रिय दलित सम्मेलन सम्पन्न भएको छ ।

भारतको लोकसभाका अध्यक्ष मिरा कुमारको अध्यक्षतामा र भारत सरकारको केन्द्रिय राज्य मन्त्री रामदास अठावलेको प्रमुख आतिथ्यतामा सम्पन्न कार्यक्रममा नेपालका पुर्ब स्वास्थ्य मन्त्री खड्ग बहदुर बस्याँल, नेपाल भारत दलित मैत्री संघका अध्यक्ष ओम प्रकाश बिश्वकर्मा, महासचिब चन्द्रकुमार गदाल, दिल्ली प्रदेस समाज कल्याणका मन्त्री राज कुमार आनन्द ,कांग्रेसका प्रबक्ता अन्शुल अभिजित लगायतको विशेष उपस्थितिमा सम्पन्न कार्यक्रममा अन्तर्राष्ट्रिय दलित सम्मेलनमा जाती प्रथा, छुवाछुत, जातिय बिभेद, रङग भेद, धर्म भेद जस्ता समाजिक कु प्रथालाई पुर्ण रुपमा निर्मुल नपारिए सम्म सामाजिक न्याय प्राप्ती नहुने र लोकतन्त्र पनि सफल नहुने बताएका छन ।

२१औँ आधुनिक बैज्ञानिक युगमा यस्ता कुप्रथा हुनु अस्वभाबिक र निन्दनिय भएकाले बिश्वका सबै मानवताबादी समुहले यस्ता कुप्रथा हटाउन अभियान चलाउनु पर्ने, शिक्षा स्वास्थ्य र राजनितिक आर्थिक उत्थानमा लक्षीत समुदायको स्तर उन्नतीमा जोड दिन सबै सरोकारवालाहरुको ध्यानाकर्षण गराएका छन ।

उक्त कर्यक्रममा नेपाल भारत दलित मैत्री संघ मार्फत नेपालबाट सहभागी हुन गएका दलित अधिकारकर्मीहरुलाई विभिन्न बिधाको अम्बेडकर पुरस्कारले सम्मान गरिएको छ । सम्मानित हुनेहरुमा पुर्व स्वास्थ्य मन्त्री खड्ग बहादुर बस्याँल अम्बेडकर अन्तर्राष्ट्रिय पुरस्कार, दलित आयोगकी पुर्व सदस्य मिना स्वर्णकार ईन्द्रायनी राम अन्तर्राष्ट्रिय पुरस्कार, त्यस्तै गरि बुद्ध कुमारी बिश्वकर्मा सिन्धुपाल्चोक, माया बिश्वकर्मा काठमाडौ ,भक्त बहादुर बिश्वकर्मा दैलेखलाई अम्बेडकर विशिष्ट समाजसेवा अन्तर्राष्ट्रिय पुरस्कार र शर्मिला महरालाई बिरङना ईन्द्रायनी पुरस्कारबाट भारत लोक सभाका पुर्ब अध्यक्ष मिरा कुमार, भारत सरकार दिल्ली प्रदेश समाजका कल्याण मन्त्री राजकुमार आनन्द ,एकाडेमीका अध्यक्ष डा. एन.एस. खोवाद्वारा संयुक्त रुपमा सम्मानित गरिएको छ ।