काठमाडौं । नेपाल संगीत तथा नाट्य प्रज्ञा प्रतिष्ठानको “१४ औं वार्षिकोत्सव समारोह” सम्पन्न भएको छ । यस कार्यक्रममा नेपाल संगीत तथा नाट्य प्रज्ञा प्रतिष्ठानकी कुलपती निशा शर्माको अध्यक्षता रहेको थियो भने संस्कृती, पर्यटन तथा नागरिक उड्यन मन्त्री हित बहादुर तामाङको प्रमुख आतिथ्यता रहेको थियो ।

कार्यक्रममा राष्ट्रिय सभाका सदस्य माननिय कृष्ण अधिकारी, उपसभापती शम्भु राई, प्राज्ञ सदस्य टिका पुन, बरिष्ठ लोक गायक खड्ग गर्बुजा लगायत थुप्रै कलाकारहरुको उपस्थिती रहेको थियो । कार्यक्रममा नेपाल नृत्य संघ, गीतकार संघ नेपाल लगायत गीत संगीत सम्बन्धी क्रियाशिल संघ संस्थाहरु र कलाकारहरुलाई सम्मान गरिएको थियो ।

कार्यक्रममा शम्भु राईले स्वागत मन्तब्य राखेका थिए । कार्यक्रममा बिभिन्न साँस्कृतिक प्रस्तुतीहरु पनि प्रस्तुत गरिएको थियो । नेपाल संगीत तथा नाट्य प्रज्ञा प्रतिष्ठानको आफ्नै सभाहल बनाउनका लागी नेपाल सरकारले पहल गरिदिन पर्ने कुरामा सबैले जोड दिएका थिए ।