काठमाडौं। गीतकार गीता खत्रीको शब्द रचना रहेको गीत “मायाको डोरीले मलाई” सार्वजनिक भएको छ। गीतकार खत्रीको गीत “मायाको डोरीले मलाई” मा संगीतरत्न शम्भुजित बास्कोटाको संगीत रहेको छ भने लोकप्रिय गायिका रचना रिमालले स्वर दिएकी छन्। गीतको संगीत संयोजन भने दिक्षित पौडेलको रहेको छ।

गीतसंगीत र साहित्य क्षेत्रमा तीन दशक भन्दा लामो समय सक्रिय रहेकी गीतकार गीता खत्रीका स्वीकृति, त्रिवेणी, यात्री लगायतका एल्बमहरु प्रकाशित छन् भने दर्जनौं गीतहरु रेकर्डिङ भइसकेका छन्। उनले कथा, कविता, नियात्रा, उपन्यास र गीत विधामा कलम चलाउँदै आएकी छन्। रामगीता वाङ्मय मन्दिरको अध्यक्ष एवम् अन्तर्राष्ट्रिय नेपाली साहित्य समाजकी अध्यक्ष समेत रहेकी खत्रीले विभिन्न सामाजिक संघ संस्थाहरुमा रहेर काम गरिसकेकी छन्।

“मायाको डोरीले मलाई” गीतको भिडियोमा दिक्पाल कार्की र सुरक्षा इट्नीको अभिनय रहेको छ। भिडियोलाई कृष्णदेव रुपाखेतीले निर्देशन गरेका हुन् भने उत्सव दाहालले छायाँकन गरेका छन्। मीन रावलको सम्पादन रहेको भिडियोलाई भकारी डेभलपमेन्ट कम्पनीको अफिसियल च्यानल Best Tone Music बाट सार्वजनिक गरिएको हो ।

भिडियो हेर्न तलको लिंक क्लिक गर्नुहोला।