युटर्न ईन्टरनेशनल प्रा. लि. को दोस्रो स्थापना दिवस राष्ट्रिय सभा गृहमा भव्यताका साथ सम्पन्न भएको छ । यस कार्यक्रममा सोही संस्थाका अध्यक्ष बलराम सुबेदीको सभापतित्व रहेको थियो भने माननिय कृषी तथा पशुपंक्षी बिकाश मन्त्री महिन्द्र राय यादवको प्रमुख आतिथ्यता रहेको थियो ।

कार्यक्रममा सोही संस्थाका निर्देशक अर्जुन गिरीले कार्यक्रम सञ्चालन गरेका थिए । दोस्रो स्थापना दिवसको अवसरमा युटन ईन्टरनेशनल प्रालि सँग आबद्ध रहेर काम गरेका उत्कृष्ठ कर्मचारी र मेम्बरहरुलाई काम अनुसार मुल्यांकन गर्दै अवार्ड वितरण गरिएको थियो ।

सो कार्यक्रममा अतिथी, कलाकार र पत्रकारहरुलाई सम्मान गरिएको थियो भने आफ्नो कार्यकालमा व्यापार घाटा न्यूनीकरण कार्यक्रमको सुरुवात गरेको भन्दै पुर्व मन्त्री मीन बिश्वकर्मालाई बिशेष सम्मान गरिएको थियो ।

कार्यक्रममा चर्चित गायक गायिका कुलेन्द्र बिक र प्रिती आलेको सांगीतिक प्रस्तुती रहेको थियो । कार्यक्रमको ब्यवस्थापन बहुप्रतिभाशाली ब्यक्तित्व सुवास केसिले गरेका थिए भने मिडिया संयोजकको भुमिका पत्रकार प्रकाश बराईली “अभिव्यक्ति” ले निर्वाह गरेका थिए ।

कार्यक्रमलाई भब्य सभ्य रुपमा सफल पार्न सहयोग गर्नुहुने युटर्न टिम, शुभचिन्तक, पत्रकार, कलाकार प्रती आभार प्रकट गर्दै आगामी दिनमा सबै सङ्ग हातेमालो गर्दै अगाडी बढ्ने कुरा अध्यक्ष बलराम सुबेदीले बताए । साथै स्वदेशी उत्पादनलाई प्रोत्साहन गर्न समेत अध्यक्ष सुबेदीले अनुरोध गरेका छन् ।