काठमाडौं। नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर नयाँ नयाँ गीतहरु सार्वजनिक भईरहेका छन्। सोही क्रममा जेनजी आन्दोलनमा ज्यान गुमाउने मृतकहरु र नेपाल आमा प्रती समर्पित हुँदै चर्चित गायिका सुश्मा शाही ठकुरीले नयाँ गीत “जेनजी आन्दोलन” सार्वजनिक गरेकी छिन्।

यस गीतमा रामु खड्का र सुश्मा शाही ठकुरीको स्वर रहेको छ भने सुश्मा शाही ठकुरीको शब्द, चर्चित संगीतकार रामु खड्काको संगीत रहेको छ। सो गीत बिश्वास नेपालले एरेञ्ज गरेका हुन् भने बिमल छिनालले मिक्सिङ र मास्टरिङ गरेका हुन्।

गीतको भिडियोमा सुश्मा शाही ठकुरीको निर्देशन रहेको छ भने पत्रकार प्रकाश बराईली “अभिब्यक्ति” को छायांकन, सुशिल डाँगीको सम्पादन रहेको छ। उक्त गीतको भिडियोमा रामु खड्का र सुश्मा शाही ठकुरी आफै देखा परेका छन्।

यस गीतलाई सुश्मा शाही ठकुरीको युटुब च्यानलबाट सार्वजनिक गरिएको हो। गीतमा कसैको पनि पक्ष बिपक्ष लिईएको छैन। भ्रष्ट नेताहरुको कारणले देश बिग्रिएको, आन्दोलनमा ज्यान गुमाउदाको पिडा, विकाश गर्नुपर्ने ठाउमा युवाहरुले बिनास गरेको र उल्टै क्षती पुराएको कुरा उल्लेख गर्दे नेपाल आमाको आँशुले सराप्ने छ जस्ता कुराहरु गीतमा समाबेश गरिएको छ।

भिडियो हेर्न तलको लिंक क्लिक गर्नुहोला।