सांगीतिक क्षेत्रमा एक पछि अर्को गीतहरु बजारमा आउने क्रम जारी छ । सोहीक्रममा संगम थापा र शारदा रसाईलीको सहकार्यमा नयाँ गीत “लौरी गोगनको” सार्वजनिक भएको छ । यस गीतलाई बिमोचन कार्यक्रम सहित सार्वजनिक गरिएको हो ।

बिमोचन कार्यक्रममा मिलन श्रेष्ठको अध्यक्षता रहेको थियो भने पुर्व राजदुत भरत जंग उप्रेतीको प्रमुख आतिथ्यता र राष्ट्रिय संगीतकर्मी संघका केन्द्रिय अध्यक्ष बिक्रम जंग शाहको विशेष आतिथ्यता रहेको थियो । कार्यक्रमको सञ्चालन भिमसेन खतिवडाले गरेका थिए । बिमोचन कार्यक्रममा सञ्चारकर्मी राजु बोहरा, पत्रकार प्रकाश बराईली “अभिव्यक्ति” र कलाकारहरुलाई पनि सम्मान गरिएको थियो ।

“लौरी गोगनको” गीतमा संगम थापा र शारदा रसाईलीको स्वर रहेको छ । यस गीतमा संगम थापा र अशोक कुमार सापकोटाको शब्द रहेको छ भने लय तथा एरेञ्ज नारायण दंगालले गरेका हुन् ।

अर्जुन महर्जनको निर्देशन रहेको गीतमा सरोज शाहीको छायांकन, रोशन धितालको सम्पादन रहेको छ । उक्त गीतको भिडियोमा निरज श्रेष्ठ र आयुश्मा कार्कीको अभिनय रहेको छ ।

यस गीतलाई मिलन फिल्म्स प्रोडक्सनको युटुब च्यानलबाट सार्वजनिक गरिएको हो । सोही गीतको भिडियो हेर्न तलको लिन्क क्लिक गर्नुहोला ।