काठमाडौं । दोहोरी क्षेत्रमा आफ्नो छुट्टै पहिचान बनाएका एक होनहार लोकप्रिय दोहोरी गायक पुरूषोत्तम गैरेको नयाँ लोकदोहोरी गीत “सेती लुकेनी” सार्व‍जनिक भएको छ। बिमल पौडेल र पुरूषोत्तम गैरेको शब्द सृजना, पुरूषोत्तम गैरेकै संगीत र एच.बि.एन.किस्मतको म्युजिक हुक लाईन रहेको उक्त गीत “Puru Team” युट्युब च्यानल मार्फत मंगलबार सार्वजनिक भएको हो ।

“सेती लुकेनी” गीतमा पुरूषोत्तम गैरे सँगै शान्ती श्री परियारको आवाज रहेको छ । उक्त गीतको म्युजिक भिडियोमा आयुष्मा कार्की, तेजस रेग्मी, मिल्ड्रेड, ललित आचार्य र पिताम्बर पोखरेलको अभिनय रहेको छ । म्युजिक भिडियोको निर्देशन लोमशले गरेका हुन् भने सम्पादन मिलन बिकले गरेका हुन् ।

अधबैशे जोडिको माया, भिरपाखा र बन, घास दाउरा गर्न हिडेका साथिभाईहरु र हाम्रो देशको प्रकृति र गीत सङ्गितमा रमाएका पर्यटकहरुको छोटो मिठो यात्रा गीतमा प्रस्तुत गरिएको छ ।

संगीत क्षेत्रमा आफ्नो छुट्टै पहिचान बनाएका गायक पुरूषोत्तम गैरे कै शब्द, संगीत र आवाजमा रहेका “पिंजडाकी चरी”, “बैसाखी”, “का जाउ का जाउ भैरनी”, “जाले रुमाल बैना”, “चेलीको व्यथा”, “सुधार केन्द्र” लगायत थुप्रै गीतहरु दर्शकले रुचाएका छन् ।

हेर्नुहोस् भिडियो ।