पछिल्लो समय स्थानिय चुनाबको माहोल तातिरहेको छ । सोही क्रममा चुनाब र पार्टीका गीतहरु आउने क्रम जारी छ । यहि कुरालाई मध्यनजर गर्दै “कांग्रेस नै चाहियो” नामक गीत सार्वजनिक भएको छ ।

यस गीतमा कृष्ण रेउले र प्रीति आलेको स्वर रहेको छ भने सुबास केसिको सृजना तथा परिकल्पना रहेको छ । गीतलाई नेपाली कांग्रेस पार्टी कार्यालय, सानेपा, ललितपुरमा बिमोचन कार्यक्रम सहित सार्वजनिक भएको हो ।

नेपाली कांग्रेस केन्द्रिय प्रचार प्रसार साँस्कृतिक समन्वय समितीको आयोजना भएको बिमोचन कार्यक्रममा सोही समितिका संयोजक डिबि गुरुङको सभापतित्व र पार्टीका केन्द्रिय प्रवक्ता डा. प्रकाश शरण महतको प्रमुख आतिथ्यता रहेको थियो । कार्यक्रमको सञ्चालन गायक कृष्ण रेउलेले गरेका थिए ।

गीतको भिडियोमा मौसम हिमालीले निर्देशन गरेका हुन् भने रमेश धमलाको छायांकन, नवीन घर्ती मगरको सम्पादन रहेको छ ।उक्त गीतको भिडियोमा सुबास केसि, बिजय पुन र रुबिना अधिकारीको अभिनय रहेको छ ।

यस गीतलाई प्रीती आले युटुब च्यानलबाट सार्वजनिक गरिएको छ । सोही गीतको भिडियो हेर्नका लागि तलको लिन्क क्लिक गर्नुहोला ।