काठमाडौं, नेपाल । बुवा कमल प्रसाद गौतम र आमा राधिका कुमारी गौतमको कोखबाट रुपन्देहीमा जन्मिएर हालः भैसिपाटी, ०४, सैबु, ललितपुरमा बस्दै आईरहेका पछिल्लो समयमा गायन र गीत लेखनको माध्यमबाट चर्चामा आएका सुवास गौतमको स्टेज ब्यस्तता बढ्दो छ ।

बिभिन्न मेला महोत्सवहरुमा आफ्नो प्रस्तुती दिदै आएका सुवासले रापती म्युजिक अवार्ड प्राप्त गर्दै सैनामैना महोत्सव, रुपाहिल दोहोरी साँझ पोखरामा समेत आफ्नो प्रस्तुती दिएका छन् । सानै उमेरमा कलाकारितामा लागेका सुवास पछिल्लो समयमा राष्ट्रिय लोक तथा दोहोरी गीत प्रतिष्ठान नेपालको आजिवन सदस्य समेत हुन् ।

उनले दर्जनौ गीतहरुमा स्वर दिनुका साथै गीत लेखन यात्रालाई पनी अगाडी बढाएका छन् । आगामी दिनमा पनी सांगीतिक यात्रालाई निरन्तरता दिने उनको सोंच रहेको छ । सांगीतिक क्षेत्रमा सर्वप्रथम त घर परिवारको सपोट रहेको र पछिल्लो समयमा राष्ट्रिय लोक तथा दोहोरी गीत प्रतिष्ठान नेपालका पुर्व केन्द्रिय अध्यक्ष चन्द्र शर्मा लगायत अन्य अग्रज कलाकारहरुको साथ सपोर्ट रहेको उनले बताए ।

सहयात्रा नेपालका मानार्थ सदस्य, डि.आई.डि.एस, ग्लोबल सप नेपालका निर्देशक समेत रहेका गौतम थुप्रै संघ संस्थामा समेत आबद्ध छन् । गौतमका पछिल्लो समयमा “तिमी बिना” र ” पिरतीमा धोका” नामक गीत संग्रह छिट्टै बजारमा आउदै छन् ।