काठमाडौं । कलाकार दिनेश डाँगीले यति बेला छोराको उपचारको लागि सक्दो आर्थिक सहयोग गर्दिन सवैमा अनुरोध गरेका छन् । सल्यान शारदा नगरपालिका वडा नं.१२ डाङ्ग्री घर भइ हाल काठमाडौंमा कर्मथलो बनाएका डाँगीले ८ बर्षिया छोरा साकर डाँगीको ज्यान बचाउनको लागि आर्थिक संकलन गर्ने अभियानमा जुट्दिन सवैमा आग्रह गरेका हुन् ।

केही बर्ष अगाडि देखि छोराको लिभरमा खराबी भएको र तत्कालै अप्रेशन गर्नु पर्ने डाक्टरको सल्लाह अनुसार अप्रेशनमा लाग्ने खर्च जुटाउन आफुहरु विभिन्न माध्यमबाट लागी परेको कलाकार तथा मोडल दिनेश डाँगीले बताए ।

उनको एक मात्र सन्तान त्यहीपनि जटिल रोगबाट थलिएर अप्रेशन गर्नुपर्ने अवस्था आएको र आफू संग भएको रकम उपचारमा सकिएको अनी अझै १५ लाख जति खर्च लाग्ने डाक्टरको सल्लाह अनुसार आफुहरु उक्त रकम संकलन गर्न लागि परेको बताए ।

डाँगीले यहि माघ २२ गते कृष्ट हस्पिटल काठमाडौंमा आफ्नो छोराको अप्रेशन मिति डाक्टरले तोकेको तर आफुहरुसंग अस्पतालले भनेजती पैसा नभएपछि मानसिक रुपमा तनाव सृजना भएको बताए । उनले यो जटिल अवस्थामा आफुलाई सहयोग गर्दिन स्वदेश तथा बिदेशमा रहनुहुने नेपालीहरुमा आग्रह गरेका छन् ।

साकर डाँगीको उपचारका लागि सक्दो सहयोग गर्ने महानुभावले राष्ट्रिय बाणिज्य बैंक बत्तिसपुतली, काठमाडौं शाखामा दिनेश डाँगीको नाममा रहेको खाता नं. १३४०१०००३५४३४०१० मा पैसा जम्मा गर्न सकिने दिनेश डाँगीले बताए । अन्य जानकारीको लागि ९८४९३२७०९२ मा सम्पर्क गर्न सकिने छ ।