काठमाडौं। नेपाली संगीत क्षेत्रमा फेरि एउटा उत्कृष्ट सिर्जना चर्चामा छ । चर्चित संगीतकर्मी तथा निर्देशक मनिष श्रेष्ठको निर्देशनमा तयार पारिएको CUTIE MISS गीतले युट्युबमा १० लाख भिउज पार गर्दै उल्लेखनीय सफलता हासिल गरेको छ । CUTIE MISS सांगीतिक पक्षदेखि दृश्य सम्पादनसम्मका सबै पक्षमा दर्शकले गहिरो प्रशंसा व्यक्त गरेका छन्। गीतमा सुस्मिता राई र मनिष श्रेष्ठको सुमधुर स्वरले रोमाञ्चकता थपेको छ भने र्‍यापर (अरुण मगर)ले ल्याएको र्‍यापले समसामयिक र युवापुस्ताको स्वादलाई समेटेको छ ।

गीतका शब्द विष्णु मुरिद्वारा लेखिएका हुन्, जसले गहिरो भावनात्मक पक्ष प्रस्तुत गर्न सफल छन् । संगीत संयोजन भने पुनः मनिष श्रेष्ठकै हो, जसले भाव र लयलाई उत्कृष्ट सन्तुलनमा राखेका छन्। गीतको म्युजिक प्रोडक्सन कृष्ण बिकले  गरेका छन् भने मिक्सिङ र मास्टरिङ जीवन बडुले गरेका हुन् । गिटार तथा म्यान्डोलिनमा रिजन बडुको उत्कृष्ट योगदान रहेको छ । गीत बिग परिवेश स्टुडियोमा रेकर्ड गरिएको हो, जसले नेपाली गीतसंगीतको स्तरीय प्रविधि प्रयोगमा अघि बढिरहेको पुष्टि गर्छ ।गीतको भिडियो निर्देशन तथा कोरियोग्राफी पनि मनिष श्रेष्ठले गरेका छन् । सह-निर्देशनमा दीपक गिरी (खगेन्द्र) र राजाराम सिम्खडाको समेत महत्वपूर्ण योगदान रहेको छ ।कास्टिङमा दीपा शाही, आवा थापा र स्वयं निर्देशक मनिष श्रेष्ठको अभिनय देख्न पाइन्छ । दृश्य निर्देशन र छायांकन ज्ञानेन्द्र शर्मा हुमागाईंले गरेका छन्, जसले गीतलाई दृष्टिगत सौन्दर्य दिएको छ ।

10 लाख भिउजको सफलता: जनताको साथ र समर्थन नेपाली युट्युब म्युजिक क्षेत्रमा १० लाख भिउज पार गर्नु कुनै सानो उपलब्धि होइन। गीतको भाव, संगीत, भिडियो, र सम्पूर्ण निर्माण पक्षको एकताबद्ध प्रयासले गर्दा यो सफलता सम्भव भएको हो । यसले फेरि पनि देखाएको छ कि नेपाली संगीतमा गुणस्तरीय सिर्जनाले सधैं दर्शकको साथ पाउँछ। यो गीतले संगीतप्रेमी दर्शकलाई मनोरञ्जन मात्र दिएको छैन, नेपाली गीतसंगीतको स्तर र संभावनालाई पनि उजागर गरेको छ। संगीतमा नयाँ स्वाद, भिडियोमा उत्कृष्ट दृश्यांकन र प्रस्तुतिमा नविनता — यी सबै तत्व मिलेर यो गीतलाई २०८२ सालको सर्वाधिक सफल नेपाली गीतमध्ये एक बनाएका छन्।