कुनै समयका नेपाली सुपरस्टार मार्टिन खान अहिले ठगी धन्दामा लागेको जानकारी पाईएको छ । मार्टिन खानले विभिन्न व्यक्तिसँग विभिन्न बाहनामा पैसा लिदै सम्पर्कविहिन भएको पाइएको छ ।

मार्टिन खानले २ वर्ष अघि १ हप्तामा फिर्ता दिने भन्दै साढे २० लाख र अर्को पटक ५ लाख गरि साढे २५ लाख लगेर वेपत्ता भएको पोखराकी दिलमाया गुरुङ बताउछिन् ।

एकदुई दिन भन्दै २ वर्ष कट्यो । अहिले त सम्पर्कमा पनि छैन । दिलमाया भन्छिन् “घर जग्गा बैंकमा राखेर दिएको थिए । अझै फिर्ता भएको छैन ।”

मार्टिनले पहिलो पटक आफ्नो श्रीमती मार्फत र अर्को पटक दुर्गा थापा मार्फत पैसा लिएका छन् । उनले यस्तै धेरै व्यक्तिलाई विभिन्न वाहनामा पैसा लिने र सम्पर्क विहिन हुने गरेको पाइएको छ । उनले यो आरोप स्वीकार पनि गरिसकेका छन् ।

उनले सामाजिक संजालमा ठगेको समाचार आइसकेपछि पैसा दिन्छु भन्दै समाचार हटाउन आग्रह गरेका थिए । अहिले समाचार हटाइसके पछि भने सम्पर्क विहिन भएका छन् ।