कमलादी समितिको आयोजनामा “तेस्रो संस्थागत गीत अभिनय प्रतियोगिता” यहि चैत्र २६ गते शनिबारका दिन हुने
वि.सं.२०७८ चैत २४ बिहीवार १६:१८
“अग्रजलाई सम्मान, नव प्रतिभालाई प्रोत्साहन” भन्ने मुल नारा सहित राष्ट्रिय लोक तथा दोहोरी गीत प्रतिष्ठान नेपाल, उपत्यका समन्वय कमलादी समितिद्वारा आयोजित “तेस्रो संस्थागत गीत अभिनय प्रतियोगिता” यहि चैत्र २६ गते शनिबारका दिन सांस्कृतिक संस्थान, राष्ट्रिय नाच घर, जमल, काठमाडौंमा सम्पन्न हुने भएको छ ।
बिश्वब्यापी कोरोनाको महामारीको कारणले केही बर्ष स्थगित भएको यस कार्यक्रमलाई हाल: पुर्णता दिन खोजिएको कुरा सोही समितिका अध्यक्ष नीर आलेले बताएका छन् ।
यस समितिमा उपत्यका समन्वय समितीको मातहतमा रहेका विभिन्न समितिमा रहेका ९ वटाले प्रतियोगितामा सहभागिता जनाउने छन् ।
“तेस्रो संस्थागत गीत अभिनय प्रतियोगिता – २०७८” मा अभिनय प्रतियोगिता गराईनुका साथै चर्चित कलाकारहरुको प्रस्तुती समेत राखिने कुरा आयोजक पक्षले जानकारी गराएको छ ।
यस प्रतियोगितामा सबैले आ-आफ्नो तर्फबाट सहयोग गरी सभ्य र भब्य रुपमा सफल पारिदिनका लागि अध्यक्ष नीर आलेले अनुरोध गरेका छन् ।
वि.सं.२०७८ चैत २४ बिहीवार १६:१८
