काठमाडौं । जेठ २२ गतेका दिन राष्ट्रिय लोक तथा दोहोरी गीत प्रतिष्ठान नेपाल, उपत्यका समन्वय बानेश्वर कोटेश्वर समितीको आयोजनामा “संस्थागत खुल्ला लोक दोहोरी गीत प्रतियोगिता” भब्य रुपमा सम्पन्न भएको छ ।

यस प्रतियोगितामा सोही समितिका अध्यक्ष दिपेन्द्र पुन मगरको अध्यक्षतामा सम्पन्न भएको हो । प्रतियोगितामा ठमेल समिती प्रथम, लाजिम्पाट समिती द्वितीय, नयाँ बसपार्क समिती र बानेश्वर कोटेश्वर समिती तृतीय हुन सफल भएका थिए भने उत्कृष्ट गायक तर्फ टेकराज भण्डारी, उत्कृष्ट गायिका तर्फ कामना वलि छनौट हुन सफल भएका थिए ।

“संस्थागत खुल्ला लोक दोहोरी गीत प्रतियोगिता” मा मुख्य प्रायोजन बागेश्वरी खड्का हाउजिङ एण्ड डेभल्पर्सले गरेको थियो भने डाडाघरे रोधी घरले ब्यानर प्रायोजन गरेको थियो ।

सो प्रतियोगितामा सहयोगिदाता, समाजसेवी ब्यक्तित्व, कलाकार र पत्रकारहरुलाई सम्मान गरिएको थियो । “संस्थागत खुल्ला लोक दोहोरी गीत प्रतियोगिता” को निर्णायक संयोजकको रुपमा राधिका हमाल थिईन् भने निर्णायकको रुपमा राजु ढकाल, शिव हमाल, कृष्ण रेउले रहेका थिए ।