काठमाडौं । पछिल्लो नेपाली सांगितिक बजार संगितमय बन्दै गएको छ भने नेपाली लोक गीत संगीतलाई चौतर्फी रुचाईएको छ । लोक तथा दोहोरी क्षेत्रमा पछिल्लो समय एकपछि अर्को गरेर गीतहरु आउनेक्रम बढे संगै कलाकारहरुले नयाँ नयाँ गीतहरु सार्वजनिक गरिरहेका छन् ।

सोही क्रममा चर्चित गायक तथा सर्जक नरेश खातीको नयाँ गीत “तिम्रै हुन पाम” सार्वजनिक भएको छ । उक्त गीतमा नरेशसँगै ममता गुरुङको स्वर रहेको छ । पछिल्लो समय गायनमा पनि सक्रिय नरेशले एकपछि अर्को राम्रा गीत दिइरहेका छन् । नेपालमा कोरोना भाइरसको समयमा माया मारेर बोलको गीत सार्वजनिक गरेसँगै गायनमा पनि सफलता पाइरहेका छन् ।

गीतमा नरेशकै शब्द तथा संगीत रहेको छ । गीतमा संगीत संयोजन बिशाल निरौलाले गरेका छन् ।
भिडिओमा अभिनेता सुशान्त कार्की र अभिनेत्री प्रियना आचार्यको अभिनय रहेको छ । अभिनेता सुशान्त चारबर्ष पछि अस्ट्रेलियाबाट फर्केपछि भिडिओमा अभिनय गरेका हुन् । प्रियना हास्य टेलिश्रृंखला सक्किगोनीमा मुन्नीको उपनामले चर्चित छिन् ।

भिडिओ मेक्सम नरेश अफिसियल युट्युव च्यानलमा शुक्रबार सार्वजनिक गरिएको छ। सोही गीतको भिडियो हेर्नलाई तलको लिंक क्लिक गर्नुहोला ।