चर्चित गायक रामचन्द्र चन्दको नयाँ गीत “घाटी रेट्न” लाई सार्वजनिक
वि.सं.२०७९ चैत १३ सोमवार १५:४४
काठमाडौं । पछिल्लो नेपाली सांगितिक बजार संगितमय बन्दै गएको छ भने नेपाली लोक गीत संगीतलाई चौतर्फी रुचाईएको छ । लोक तथा दोहोरी क्षेत्रमा पछिल्लो समय एकपछि अर्को गरेर गीतहरु आउनेक्रम बढे संगै कलाकारहरुले नयाँ नयाँ गीतहरु सार्वजनिक गरिरहेका छन् ।
सोही क्रममा चर्चित गायक रामचन्द्र चन्दको नयाँ गीत “घाटी रेट्न” लाई सार्वजनिक गरेका छन् । समीक्षा अधिकारीसँगको युगल स्वरमा उनले “घाँटी रेट्न” लाई बोलको गीत ल्याएका हुन् । यो प्रेम विरहको गीतको शब्द प्रकाश न्यौपानेले लेखेका हुन् । नन्दु परियारको संगीत रहेको गीतमा बिनोद बाजुरालीले संगीत संयोजन गरेका छन् ।
सिर्जन बराल (ऋषि) को कथा एवं निर्देशनमा तयार भिडियोमा जीबी चिरन र यशु भट्टराईको अभिनय रहेको छ । अञ्जना दुलाल, रोयल प्रिन्स सिंह लगायतको समेत अभिनय रहेको भिडियोलाई राम केसीले छायाँकन, अमृत चागागाईँले सम्पादन गरेका हुन् ।
यस गीतलाई रामचन्द्र चन्द युट्युब च्यानल मार्फत सार्वजनिक गरिएको हो । सोही गीतको भिडियो हेर्नलाई तलको लिंक क्लिक गर्नुहोला ।
वि.सं.२०७९ चैत १३ सोमवार १५:४४
