काठमाडौं । नेपालमा लकडाउन भएपछि कोरोनाका त्रासले नेपाली चलचित्रहरु ठप्प भएका थिए । लकडाउन खुलेपश्चात बिस्तारै चलचित्रहरु प्रदर्शनमा पनी आउन थाले । हालः पछिल्लो समयमा एकपछि अर्काे गर्दै चलचित्रहरु प्रदर्शन गर्ने क्रम बढ्दो छ । चर्चित लोक दोहोरी गायिका मिना लामाको चलचित्र “चौबन्दी” को जेठ ६ गते शनिबारका दिन बिबिध साँस्कृतिक कार्यक्रम सहित च्यारिटी शो हुने भएको छ ।

यस चलचित्रको शो बिजी मलको बि.एस.आर. मुभिजको हलमा दिउसो ३ः३० बजे हुने कुरा लोक दोहोरी गायिका तथा यसै चलचित्रकी निर्माता समेत रहेकी मिना लामाले जानकारी गराएकी छिन् । यस चलचित्रमा निरेन श्रेष्ठले निर्देशन गरेका छन् ।

यस चलचित्रमा स्व. कलाकार जयनन्द लामा, रश्मी भट्ट, मिना लामा, दिपाशा बिसी, रितु तामाङ, लगायत अन्य कलाकारहरुको अभिनय रहेको छ । यस चलचित्रलाई रोयल मुभिज प्रा.लि.ले निर्माण गरेको हो । यस चलचित्र सामाजिक बिषय बस्तुमा आधारित रहेको कुरा निर्मात्री लामाले बताएकी छिन् ।