काठमाडौं । महिलाहरुको महान पर्व हरितालिका तीज नजिकिदै गर्दा तीज गीतहरु धमाधम बजारमा आउने क्रम जारी छ । सोही क्रममा चर्चित गायिका कामना ओली र मनु श्रेष्ठको तीज बिशेष गीत “दिदि जेलैमा” सार्वजनिक भएको छ । यस गीतमा मनु श्रेष्ठ र कामना ओलीको स्वर रहेको छ भने खड्क गन्धर्वको शब्द, संगीत रहेको छ ।

यस गीतको एरेञ्ज भने बिष्णु तामा«ङले गरेका हुन् । बिरेन्द्र ओलीको निर्देशन रहेको यस गीतमा राजन मोक्तानको सह निर्देशन, प्रकाश खड्काको छायांकन, दिपक बिस्टको सम्पादन रहेको छ । उक्त गीतको भिडियोमा आशा बिश्वकर्मा, बिरेन्द्र ओली, दुर्गा तामाङ, राजन मोक्तान, अर्जुन पहाडी, रोजा तामाङ, गंगा मगर, कमला क्षत्री, अपेक्षा क्षत्री आदीको अभिनय रहेको छ । यस गीतलाई जलजला टिभी युटुब च्यानलबाट सार्वजनिक गरिएको हो ।

यस गीतमा दिदि जेल परेको, भिनाजुले बन्दी बनाएको कुरा लगायत हरेक कुरामा प्रतिबन्ध लगाईएको बिषय बस्तु बनाईएको छ । साथै बिष्णु माझीलाई बाहिर निस्कन नदिने, कार्यक्रमहरुमा हिन्न नदिने, बाहिर सार्वजनिक हुन नदिने, महिला हिंसा, बिष्णु माझी सार्वजनिक भएपछि टुडिखेलमा भब्य मेला लाग्ने कुरालाई पनि उठाउने प्रयास गरिएको छ ।

हेर्नुहोस् भिडियो ।