काठमाडौं : हाँस्य कलाकार बिष्णु सापकोटाको प्रस्तुतिमा वेब सिरिज “बा आमा” को टिजर सार्वजनिक भएको छ । १ मिनेट ३५ सेकेन्ड लामो टिजरमा पारिवारिक कथा वस्तुलाई चित्रण गरिएको छ । नाम बाटै पनि सिरिजको कथाबस्तु अनुमान लगाउन सकिन्छ ।

सिरिज भद्र बहादुर भुजेलले निर्देशन गरेका हुन् । सिरिजमा सापकोटाको फरक अवतार देखिएको छ । यस अघिका सिरियलहरुमा कलाकार सापकोटालाई हाँस्य व्याङ्ग्यमा जोड गरेको देखिन्थ्यो भने यस सिरिजमा सेन्टीमेन्टल भुमिकामा देखिएको छ ।

उक्त सिरिजमा हिउँवाला गौतम, विध्या कार्की, स्विकृती खरेल,पुष्पा आचार्य,शिव शर्मा(कडेंल), आयुष्मा ढकाल,उत्तम अर्याल (कोदे) लगायतको अभिनय रहेको छ । सापकोटाले यस अघि रिटायर हल्दार, हर्के हल्दार सिरियलमा काम गरिसकेका छन् ।