दिपाशा बिसीको १३ औं पुन्यतिथीको अवसरमा अमेरिका देखी शंकर बिसीको खुल्ला पत्र, अर्काे जुनी लियौ भने कलाकार नहुनु बहिनी

काठमाडौं । मोडल तथा नायिका दिपाशा बिसीको कार्तिक २३ गते बिहिबार निधन भएको थियो । उनको जन्म सुर्खेतमा २०४९ असार २८ गतेका दिन भएको थियो । उनले कार्तिक २२ गते बुधबार बिष सेवन गरेपछि उनलाई थापाथली स्थित नर्भिक हस्पिटलमा लगिएको थियो र उनको निधन भएको घोषणा भईसकेपछि बिहिबार पोष्टमार्टमका लागी टिचिङ लगिएको थियो । उनको आमा दुबईबाट २५ गते शनिबार आईसकेपछि पोष्टमार्टम गरि शबयात्रा गरी पशुपती आर्यघाटमा लगेर अन्त्यष्टी गरिएको थियो ।

ऋण अनि चर्को ब्याजका कारण तनाबग्रस्त भएर मृत्युको बाटो रोजेर आफ्नो ब्युटी पार्लरका स्टाफहरुलाई भिडियो कल गर्दै बिष सेवन गरेको निकट ब्यक्तिहरुले बताएका छन् । उनले काठमाडौं मलमा ब्युटी पार्लर ब्यवसाय गर्दै आईरहेकी थिईन् । उनले ब्युटी पार्लर ब्यवसाय सुरु गरे लगत्तै केही महिनापछि कोरोनाको महामारीका कारण केही समय ब्यवसाय ठप्प पनि भएको थियो । लकडाउनका कारण धेरै ब्यवसायी र नेपाली जनताहरु मारमा परे । यसै कारण पनि उनी ऋणको भारी बोकेको अनुमान गर्न सकिन्छ । दिपाशा बिसीले काठमाडौं मलमा मासिक रुपमा १ लाख २० हजार भाडा तिर्ने गर्थिन् भन्ने कुुरा उनका निकट साथीहरुबाट जानकारी आएको छ ।

 

उनी घरको जेठी छोरी थिईन् । उनले जेठो छोराको सरह सम्पुर्ण ब्यबहार सम्हालेकी थिईन् । साथै भाई र बहिनीलाई पनि आफैले पढाएकी थिईन् । उनका एक भाई र एक बहिनी छन् । दिपाशा बिसीको निधनले सिंगो कलाकारिता क्षेत्र स्तब्ध भएको छ । सबै कलाकारहरु भाबुक भएका छन् । धेरै कलाकारहरुले दिपाशा बिसीले किन यस्तो गरिन्, किन गलत बाटो रोजिन् भनेका छन् । पछिल्लो समय सांगीतिक क्षेत्र पनि धरासायी बन्दै गएको छ । सोचेको अनी राम्रो गीतले पनि बजार पाउन सकेको स्थिती छैन । पछिल्लो समय सांगीतिक क्षेत्रमा कमै ब्यक्तिहरुले मात्र सफलता पाएका छन् । सोचे जस्तो सफलता नपाएका कलाकारहरु डिप्रेशनको शिकार पनि बनेका छन् ।

 

दिपाशा बिसीमा हरेक प्रकारमा क्षमता हुँदापनि सांगीतिक क्षेत्रको बजार ओरालो लाग्ने स्थिती देखेर, ऋणको भारी अनी चर्को ब्याजका कारण डिप्रशनमा पुगेर बिष सेवन गर्न बाध्य भएको अनुमान गर्न सकिन्छ । उनी बि.सं. २०६८ सालमा फिल्म दुलही रानीबाट चलचित्र क्षेत्रमा डेब्यु गरेकी उनले बिरानो माया, चाल, दुलही रानी र झेली, चौबन्दी आदी चलचित्रमा अभिनय गरेकी थिईन् । उनी जलपरी नामले समेत मोडलिङ र फिल्ममा परिचित थिइन् । दिपाशा बिसीलाई टर्चर दिने ब्यक्तिहरुलाई मंसिर ५ गते अर्थात उनको १३ औं पुन्यतिथी पश्चात प्रहरीको सहकार्यमा अनुसन्धान गरी दोषी माथी कडा भन्दा कडा कारबाहीको माग गर्ने पारिवारिक स्रोतले जानकारी गराएको छ । उनै स्व. दिपाशा बिसीको बारेमा भाबुक हुँदै लोकप्रिय मोडल तथा निर्देशक शंकर बिसीले खुल्ला पत्र लेखेका छन् ।

 

शंकर बिसीले भाबुक हुँदै लेखेको खुल्ला पत्र यस्तो छ :

 

मेरो प्यारो बहिनी दिपाशा… कसरी के लेखौं तिमीलाई…घरमा आमा अनी साना साना भाईबहिनी अनी घरको सम्पुर्ण जिम्मेवारी तिमीमा थियो । घरको जेठो छोराले गर्नुपर्ने कर्तब्य सबै तिमीले नै गरेकी थियौं । घरको आर्थिक स्थिती सुधार्न, भाई बहिनीलाई पढाउन अनी आमालाई केही खुसी दिन सक्छु की भनी काठमाडौं आएकी थियौं अनी कलाकारिता क्षेत्रमा । तिम्रो कलाकारिताले सबैको मन जित्यौ । साच्ची नै भन्ने हो भने तिम्रो टिपिकल नृत्यको म फ्यान नै हुँ । नृत्य संगै सबैलाई आदर गर्ने हसिलो स्वभाबले तिमी सबैकी प्यारी थियौ । सायद त्यो स्वभाव दैबलाई पनि मन परेछ क्यारे आज दैबको पनि प्यारो भयौ । कलाकारितामा जती देखिन्छ त्यती हुँदैन । त्यसैले तिम्रो सपनाहरु पुरा गर्न दिनरात खटी रह्यौ । हरेक कार्यक्रममा तिम्रो सहभागिताले उज्यालो हुन्थ्यो कार्यक्रम । तिमी संग प्रसस्तै पैसा नभएपनि, रिन धन सरसापट गरी ब्युटी सैलुन खोल्यौ । सायद त्यो बेला रिन धन गरेर आफ्नो सपनालाई साकार पार्नु तिम्रो उदेश्य थियो । त्यही बेला कोरोनाले पनी संसार स्तब्ध बनायो । सायद तिमीलाई पनि आर्थिक भार पर्यो होला । ६ महिना अगाडीको भेटमा रिन छ दाई गाह्रो भाको छ भन्दै थियौ । उता भाई बहिनी पढाउनु पर्ने, यता सैलुनको रिनले गर्दा तिमीलाई धेरै गाह्रो भाको रैछ नानी । नानी जिन्दगीमा उत्तारचढाव हुन्छ । यस्तो बाधाहरु आउछन् । यस्तो निर्णय नलिएको भए हुन्थ्यो । त्यो दिन राती ४ बजे फेसबुक हेर्दा तिम्रो त्यो खबरले आकाश खसे जस्तो भएको थियो । धर्ती भासिए झै भएको छ । सधै हासिरहने तिमीले सबैलाई रुवाएर संसारबाट बिदा लिएकी छौ । तिम्रो मनमा यती धेरै पिडा थियो भने शेयर गरेको भएपनि हुन्थ्यो । मनमा पिडा लुकाएर पनि हास्न सक्ने तिमी र तिम्रो महानतालाई सधै सम्झीरहने छु । तिम्रो सपना टुटेको छ । तिम्रो आमा भाई बहिनीलाई ठुलो चोट परेको छ । हे भगवान यो पिडा सहन सक्ने शक्ति देउ यो परिवार अनी हामीलाई । सारा ईन्डस्ट्री रोएको छ । सारा संसार रोएको छ । त्यो दिन हाम्रो लागी कालो दिन भएको छ । अब त हामी चाहेर पनि भेट्न सक्दैनौ है हामी । तिम्रो हसिलो मुस्कान कहाँ हेर्न पाईएला र अब । नानी सुनेको थिए तिमीलाई टर्चर दिएर यस्तो भएको रे । म चाहन्छु फोनको चेकजाच गरी टर्चर दिने माथी शक्त कारबाही होस् । जस्ले सामान्य लेनदेनमा मृत्युको शैयामा पुराउने टर्चर थियो उस्लाई तुरुन्त कारबाही होस् । नानी तिम्रो बैकुण्ठमा बास हस् । अर्को जन्म पाईछौ भने कलाकार भएर नजन्मनु । चलुन्जेल हाई हाई गर्छन् अनी चल्न छोडेपछि बाई बाई गर्छन् । स्वार्थी छ हाम्रो कलाकारिता क्षेत्र… भाबुक भएर तिम्रो सम्झनामा रुमल्लिएको पनि १३ दिन पुगेछ । १३ औं पुन्यतिथीको अवसरमा हार्दिक श्रद्धाञ्जली । तिम्रो स्वर्गमा बास होस् दिपाशा बहिनी ।

उही तिम्रो दाई शंकर बिसी
हालः अमेरिका

World Wide Multimedia Center Pvt. Ltd. Long Ad

“११ औं म्यूजिक खबर म्यूजिक अवार्ड” को उत्कष्ट पाँचको मनोनयन सार्वजनिक

“११ औं म्यूजिक खबर म्यूजिक अवार्ड” को उत्कष्ट पाँचको मनोनयन सार्वजनिक

वि.सं.२०८० चैत १३ मंगलवार ०४:०९

काठमाडौं । ११ औं म्यूजिक खबर म्यूजिक अवार्डको उत्कृष्ट पाँचभित्र...

लोकप्रिय कलाकारहरु अञ्जु निरौला र अर्जुन बोहराको “उकालो चढ्दै छ पिरती” (भिडियो सहित)

लोकप्रिय कलाकारहरु अञ्जु निरौला र अर्जुन बोहराको “उकालो चढ्दै छ पिरती” (भिडियो सहित)

वि.सं.२०८० चैत १० शनिवार ०५:५२

काठमाडौं। नेपाली सांगीतिक बजार संगीतमय बन्दै गएको छ । पछिल्लो...

गिनिज वर्ल्ड रेकर्ड पाउने दर्जन बढीलाई राष्ट्रपतिद्वारा बधाई

गिनिज वर्ल्ड रेकर्ड पाउने दर्जन बढीलाई राष्ट्रपतिद्वारा बधाई

वि.सं.२०८० चैत ६ मंगलवार १३:४४

काठमाडौं । विश्वको‌ सबैभन्दा उचाइमा रहेको‌ तिलिचो ताल भन्दा केही...

वरिष्ठ चलचित्र निर्देशक स्व.प्रताप सुब्बाको प्रथम वार्षिक पुण्य तिथिका अवसरमा आयोजित स्मृति सभा सम्पन्न

वरिष्ठ चलचित्र निर्देशक स्व.प्रताप सुब्बाको प्रथम वार्षिक पुण्य तिथिका अवसरमा आयोजित स्मृति सभा सम्पन्न

वि.सं.२०८० चैत ४ आइतवार १८:१५

तुलसी गिरी ‘भावुक’ काठमाडौं । वरिष्ठ चलचित्र निर्देशक स्व.प्रताप सुब्बाको...

म्युजिक भिडियो कलाकार संघ नेपालको आयोजनामा “कलाकार भेटघाट तथा बृहत वनभोज कार्यक्रम”  सम्पन्न

म्युजिक भिडियो कलाकार संघ नेपालको आयोजनामा “कलाकार भेटघाट तथा बृहत वनभोज कार्यक्रम”  सम्पन्न

वि.सं.२०८० चैत ४ आइतवार १३:५६

काठमाडौं । म्युजिक भिडियोमा कर्म गर्ने कलाकारहरुको छाता संगठन म्युजिक...

सकारात्मक सन्देश सहित “जिवन यो हाम्रो” नामक नयाँ गीत सार्वजनिक

सकारात्मक सन्देश सहित “जिवन यो हाम्रो” नामक नयाँ गीत सार्वजनिक

वि.सं.२०८० चैत १ बिहीवार १७:५९

काठमाडौं। नेपाली सांगीतिक बजार संगीतमय बन्दै गएको छ । पछिल्लो...