काठमाडौं। नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर नयाँ नयाँ गीतहरु सार्वजनिक भईरहेका छन्। नेपालीहरुको महान पर्व बडा दशैं पनि नजिकिदै छ। यसै अवसरमा बिभिन्न कलाकारहरुले दशैं बिशेष गीतहरु बजारमा ल्याउने होडबाजी चलिरहेको छ।

सोही क्रममा लोकप्रिय गायक एबं सर्जक बिष्णु खत्रीको दशैं बिशेष गीत “दशैं आई सक्यो परान खाईसक्यो” केही दिन अघी सार्वजनिक भएको छ। हरेक बर्षको दशैंमा बिष्णु खत्रीका गीतहरु आएन भने दशैं नै नआएको जस्तो लाग्ने गरेको कुराहरु सामाजिक सञ्जालमा भेटिने गर्दछन्।

बिष्णु खत्रीको केही दिन अघी सार्वजनिक दशैं बिशेष गीत “दशैं आई सक्यो परान खाईसक्यो” मा बिष्णु खत्री र लक्ष्मी खड्काको स्वर रहेको छ भने बिष्णु खत्री कै शब्द, संगीत रहेको छ। यस गीतको भिडियोलाई दिपेन्द्र तिमिल्सिनाले निर्देशन गरेका हुन् भने जिवन कुमार ज्ञवालीको सह निर्देशन, नवराज उप्रेतीको छायांकन, मनोज कार्कीको सम्पादन रहेको छ।

उक्त गीतको भिडियोमा सुरबिर पण्डित (दाह्री बा), बिधा कार्की, चेत बहादुर सिंह राजा, दिर्घ फुलारा, जिवन ज्ञवाली आदीको अभिनय रहेको छ। यस गीतलाई बिष्णु खत्री युटुब च्यानलबाट सार्वजनिक गरिएको हो।

भिडियो हेर्नका लागी तलको लिंक क्लिक गर्नुहोला।